________________
ण सेवियवो, कुद्धो चंडिकिओ मणूसो अलियं भणेज पिसुणं भणेज फरुसं भणेज अलियं पिसुणं फरुसं भणेज कलह करेज्जा वेरं करेजा विकह करेजा कलहं वेरं विकह करेजा सच्चं हणेज सीलं हणेज विणयं हणेज सच्चं सीलं विणयं हणेज वेसो हवेज वत्थु भवेज गम्मो भवेज वेसो वत्थु गम्मो भवेज एयं अन्नं च एवमादियं भणेज कोहग्गिसंपलित्तो तम्हा कोहो न सेवियव्वो, एवं खंतीइ भाविओ भवति अंतरप्पा संजयकरचरणनयणवयणो सूरो सच्चजवसंपन्नो, ततियं लोभो न सेवियब्बो लुद्धो लोलो भणेज अलियं खेत्तस्स व वत्थुस्स व कतेण १ लुद्धो लोलो भणेज अलियं कित्तीए लोभस्स व कएण २ लुद्धो लोलो भणेज अलियं रिद्धीय व सोक्खस्स व कएण ३ लुद्धो लोलो भणेज अलियं भत्तस्स व पाणस्स व कएण ४ लुतो लोलो भणेज अलियं पीढस्स व फलगस्स व कएण ५ लुद्धो लोलो भणेज अलियं से जाए व संथारकस्स व कएण ६ लुद्धो लोलो भणेज अलियं वत्थस्स व पत्तस्स व कएण ७ लुद्धो लोलो भणेज अलियं कंबलस्स व पायपुंछणस्स व कएण ८ लुद्धो लोलो भणेज अलियं सीसस्स व सिस्सीणीए व कएण ९ लुद्धो लोलो भणेज अलियं अन्नेसु य एवमादिसु बहुसु कारणसतेसु, लुद्धो लोलो भणेज अलियं तम्हा लोभो न सेवियब्बो, एवं मुत्तीय भाविओ भवति अंतरप्पा संजयकरचरणनयणवयणो सूरो सच्चजवसंपन्नो, चउत्थं न भाइयव्वं भीतं खु भया अइंति लहुयं भीतो अबितिजओ मणूसो भीतो भूतेहिं घिप्पइ भीतो अन्नंपिहु भेसेज्जा भीतो तवसंजमंपिहु मुएजा भीतो य भरं न नित्थरेजा सप्पुरिसनिसेवियं
Jain Education International
For Personal & Private Use Only
ww.jainelibrary.org
