________________
-
SASAMROSCOROSCCC
लभंति सच्चेण य अगणिसंभमंमिवि न डझंति उज्जुगा मणूसा सच्चेण य तत्ततेल्लत उलोहसीसकाई छिवंति धरेंति न य डझंति मणूसा पव्वयकडकाहिं मुच्चंते न य मरंति सच्चेण य परिग्गहिया असिपंजरगया समराओवि णिइंति अणहा य सच्चवादी वहबंधभियोगवेरघोरेहिं पमुच्चंति य अमित्तमज्झाहिं निइंति अणहा य सच्चवादी सादेव्वाणि य देवयाओ करेंति सच्चवयणे रताणं । तं सच्चं भगवं तित्थकरसुभासियं दसविहं चोद्दसपुव्वीहिं पाहुडत्थविदितं महरिसीण य समयप्पदिन्नं देविंदनरिंदभासियत्थं वेमाणियसाहियं महत्थं मंतोसहिविजासाहणत्थं चारणगणसमणसिद्धविजं मणुयगणाणं बंदणिजं अमरगणाणं अच्चणिजं असुरग. णाणं च पूयणिजं अणेगपासंडिपरिग्गहितं जं तं लोकंमि सारभूयं गंभीरतरं महासमुद्दाओ थिरतरगं मेरुपचयाओ सोमतरगं चंदमंडलाओ दित्ततरं सूरमंडलाओ विमलतरं सरयनहयलाओ सुरभितरं गंधमादणाओ जेविय लोगम्मि अपरिसेसा मंतजोगा जवा य विजा य जंभका य अत्याणि य सत्थाणि य सिक्खाओ य आगमा य सच्चाणिवि ताई सच्चे पइट्ठियाई, सच्चंपिय संजमस्स उवरोहकारकं किंचि न वत्तव्यं हिंसासावजसंपउत्तं भेयविकहकारकं अणत्यवायकलहकारकं अणजं अक्वायविवायसंपउत्तं वेलंब ओजधेजबहुलं निल्लुज लोयगरहणिज दुद्दि दुस्सुयं अमुणियं अप्पणो थवणा परेसु निंदा न तसि मेहावी ण तंसि धन्नो न तसि पियधम्मो न तं कुलीणो न तंसि दाणपती न तंसि सूरो न तंसि पडिरूवो न तंसि लट्ठो न पंडिओ न बहुस्सुओ नवि य तं तवस्ती ण यावि परलोगणिच्छि यमतीऽसि सव्यकालं जातिकुलरूववा
CONCLOCIENCEO-CARC
NARIES
हिंसासाबलज लोयगामो न त
Jain Education International
For Personal & Private Use Only
www.jainelibrary.org
