________________
Jain Education International
पं० तं० - पाणातिवाय किरिया चैव अपञ्चक्खाणकिरिया चेव १०, पाणातिवायकिरिया दुविद्दा पं० तं० - सहत्थपाणातिवायकिरिया चैव परहत्थपाणातिवायकिरिया चेव ११, अपञ्चक्खाणकिरिया दुविहा पं० तं० - जीवअपच्चक्खाणकिरिया चेव अजीव अपञ्चक्खाणकिरिया चेव १२, दो किरियाओ पं० तं० आरंभिया चेव परिग्गहिया चेव १३, आरंभिया किरिया दुविहा पं० तं० - जीवआरंभिया चेव अजीवआरंभिया चेव १४, एवं परिग्गहियावि १५, दो किरयाओ पं० तं० – मायावत्तिआ चेव मिच्छादंसणवत्तिया चेव १६, मायावत्तिया किरिया दुविहा पं० तं० - आयभाववंकणता चेव परभाववंकणता चेव १७, मिच्छादंसणवत्तिया किरिया दुविहा पं० तं० – ऊणाइरित्तमिच्छादंसणवत्तिया चैव तव्वइरित्तमिच्छादंसणवत्तिया चेव १८, दो किरियाओ पं० तं० – दिट्ठिया चेव पुट्ठिया चेव १९, दिट्ठिया किरिया दुविहा पं० तं० - जीवदिट्टिया चेव अजीवदिट्टिया चेव २०, एवं पुट्टियावि २१, दो किरियाओ पं० तं० – पाडुच्चिया चैव सामंतोवणिवाइया चेव २२, पाडुच्चिया किरिया दुविहा पं० तं० - जीवपाडुच्चिया चेव अजीवपाडुश्च्चिया चेव २३, एवं सामंतोवणिवाइयावि २४, दो किरियाओ पं० तं० - साहत्थिया चेव णेसत्थिया चेव २५, साहत्थियाकिरिया दुविहा पं० तं०—जीवसाहत्थिया चेव अजीवसाहत्थिया चेव २६, एवं णेसत्थियावि २७, दो किरियाओ पं० तं० — आणवणिया चैव वेयारणिया चेव २८, जहेव णेसत्थियाओ २९-३०, दो किरियाओ पं० तं० - अणाभोगवत्तिया चेव अणवकंखवत्तिया चेव ३१, अणाभोगवत्तिया किरिया दुविहा पं० तं० – अणाउत्तआइयणता चेव अणाउत्तपमज्जणता चेव ३२, अणवकंखवत्तिया किरिया दुबिहा पं० तं० - आयसरीरअणवकंखवत्तिया चेव परसरीरअणव
For Personal & Private Use Only
www.jainelibrary.org
