Page Text
________________
पहासंजमे उवेहासंजमे अवहट्टसंजमे पमजणासंजमे मणसंजमे वइसंजमे कायसंजमे, माणुसत्तरे णं पव्वए सत्तरसएक्कवीसे जोयणसए उई उच्चत्तेणं प०, सब्वेसिपि णं वेलंधरअणुवेलंधरणागराईणं आवासपव्वया सत्तरसएकवीसाई जोयणसयाई उई उच्चत्तेणं प०, लवणे णं समुद्दे सत्तरस जोयणसहस्साई सव्वग्गेणं प०, इमीसे णं रयणप्पभाए पुढवीए बहुसमरमणिजाओ भूमिभागाओ सातिरेगाइं सत्तरस जोयणसहस्साइं उड्डे उप्पतित्ता ततो पच्छा चारणाणं तिरिआ गती पवत्तति, चमरस्स णं असुरिंदस्स असुररण्णो तिगिछिकूडे उप्पायपव्वए सत्तरस एकवीसाई जोयणसयाई उड्डे उच्चत्तेणं प०, बलिस्स णं असुरिंदस्स रुअगिंदे उप्पायपव्वए सत्तरस एक्कवीसाई जोयणसयाई उड्डे उच्चत्तेणं प०, सत्तरसविहे मरणे प०-आवीईमरणे ओहिमरणे आयंतियमरणे वलायमरणे वसट्टमरणे अंतोसल्लमरणे तब्भवमरणे बालमरणे पंडितमरणे बालपंडितमरणे छउमत्थमरणे केवलिमरणे वेहाणसमरणे गिद्धपिट्ठमरणे भत्तपच्चक्खाणमरणे इंगिणिमरणे पाओवगमणमरणे, सुहुमसंपराए णं भगवं सुहुमसंपरायभावे वट्टमाणे सत्तरस कम्मपगडीओ णिबंधति तं०-आभिणिबोहियणाणावरणे सुयणाणावरणे ओहिणाणावरणे मणपजवणाणावरणे केवलणाणापरणे चक्खुदंसणावरणे अचक्खुदंसणावरणे ओहीदंसणावरणे केवलदसणावरणे सायावेयणिजं जसोकित्तिनामं उच्चागोयं दाणंतरायं लाभंतरायं भोगंतराय उवभोगंतरायं वीरिअअंतरायं, इमीसे गं रयणप्पभाए पुढवीए अत्थेगइआणं नेरइयाणं सत्तरस पलिओवमाइं ठिई प०, पंचमीए पुढवीए अत्थेगइयाणं नेरइयाणं उक्कोसेणं सत्तरस सागरोवमाइं ठिई प०, छट्ठीए पुढवीए अत्थेगइआणं जहण्णेणं सत्तरस सागरोवमाइं ठिई प०, असुरकुमाराणं देवाणं अत्थेगइआणं सत्तरस पलिओवमाई ठिई प०, सोहम्मीसाणेसु कप्पेसु अत्थेगइआणं देवाणं सत्तरस पलिओवमाई ठिई प०, महासुक्के कप्पे देवाणं उक्कोसेणं सत्तरस सागरोवमाई ठिई प०, सहस्सारे कप्पे देवाणं जहण्णेणं सत्तरस सागरोवमाइं ठिई प०, जे देवा सामाणं सुसामाणं
Jain Education
D
onal
For Personal & Private Use Only
ainelibrary.org
| SR No. | 600227 |
| Book Title | Samvayangasutram |
| Original Sutra Author | Haribhadrasuri |
| Author | |
| Publisher | Agamoday Samiti |
| Publication Year | 1918 |
| Total Pages | 326 |
| Language | Sanskrit |
| Classification | Manuscript & agam_samvayang |
| File Size | 6 MB |