________________
सए एयमाहराहि, तेणं अट्ठो, तए णं सा रेवती गाहावइणी सीहं अणगारं एवं वयासी केस णं सीहा ! | से णाणी वा तवस्सी वा जेणं तव एस अट्ठे मम ताव रहस्सकडे हवमकखाए जओ णं तुमं जाणासि ? एवं जहा खंद्ए जाव जओ णं अहं जाणामि, तए णं सा रेवती गाहावतिणी सीहस्स अणगारस्स अंतियं एयमहं सोच्चा निसम्म हट्टतुट्ठा जेणेव भक्तघरे तेणेव उवा० २ पत्तगं मोएति पत्तगं मोएत्ता जेणेव सीहे | अणगारे तेणेव उवा० २ सीहस्स अणगारस्स पडिग्गहगंसि तं सवं संमं निस्सिरति, तए णं तीए रेवतीए गाहावतिणीए तेणं दवसुद्वेणं जाव दाणेणं सीहे अणगारे पडिलाभिए समाणे देवाउए निबद्धे जहा विजयस्स जाव जम्मजीवियफले रेवतीए गाहावतिणीए रेवती० २, तए णं से सीहे अणगारे रेवतीए गाहावतिणीए गिहाओ पडिनिक्खमति० २ मेंढियगामं नगरं मज्झमज्झेणं निग्गच्छति निग्गच्छत्ता जहा गोयमसामी जाव भन्तपाणं पडिदंसेति २ समणस्स भगवओ महावीरस्स पाणिंसि तं सर्व्वं संमं निस्सिरति, तए णं समणे भगवं महावीरे अमुच्छिए जाव अणज्झोववन्ने बिलमिव पन्नगभूषणं अप्पाणेणं तमाहारं सरीरकोट्ठगंसि पक्खिवति, तए णं समणस्स भगओ महावीरस्स तमाहारं आहारियस्स समाणस्स से विपुले रोगायंके खिप्पामेव उवसमं पत्ते हट्ठे जाए आरोगे बलियसरीरे तुट्ठा समणा तुट्ठाओ समणीओ तुट्ठा सावया तुट्ठाओ सावियाओ तुट्ठा देवा तुट्ठाओ देवीओ सदेवमणुयासुरे लोए तुट्ठे हट्ठे जाए समणे भगवं महावीरे हट्ट २। (सूत्र ५५७) भंतेति भगवं गोयमे समणं भगवं महावीरं वंदति नमं० २ एवं वयासी एवं खलु देवाणुप्पियाणं
Jain Education International
For Personal & Private Use Only
www.jainelibrary.org
