________________
सहाणे नो हीणे तुल्ले नो अब्भहिए। एएसि णं भंते ! सामाइयछेदोवट्ठावणियपरिहारविसुद्धियसुहमसंपराय अहक्खायसंजयाणं जहन्नुकोसगाणं चरित्तपजवाणं कयरे २ जाव विसेसाहिया वा ?, गोयमा! सामाइयसंजयस्स छेओवट्ठावणियसंजयस्स य एएसिणं जहन्नगा चरित्तपजवा दोण्हवि तुल्ला सवत्थोवा परिहारविसुद्धियसंजयस्स जहन्नगा चरित्तपजवा अणंतगुणा तस्स चेव उक्कोसगाचरित्तपजवा अणंतगुणा सामाइयसंजयस्स छेओवट्ठावणियसंजयस्स य एएसिणं उक्कोसगा चरित्तपजवा दोण्हवि तुल्ला अनंतगुणा सुहमसंपरायसंजयस्स
जहन्नगा चरित्तपज्जवा अणंतगुणा तस्स चेव उक्कोसगा चरित्तपजवा अणंतगुणा अहक्खायसंजयस्स अजहन्नम४ णुक्कोसगा चरित्तपज्जवा अणंतगुणा १५॥ सामाइयसंजए णं भंते! किं सजोगी होजा अजोगी होजा?,
गोयमा! सजोगी जहा पुलाए एवं जाव सुहुमसंपरायसंजए अहक्खाए जहा सिणाए १६॥सामाइयसंजए णं भंते ! किं सागारोवउत्ते होज्जा अणागारोवउ ?, गोयमा ! सागारोवउत्ते जहा पुलाए एवं जाव अहक्खाए, नवरं सुहमसंपराए सागारोवउत्ते होजा नो अणागारोवउत्ते होजा १७॥ सामाइयसंजए णं भंते ! किं सकसायी होज्जा अकसायी होजा ?, गोयमा ! सकसायी होजा नो अकसायी होजा, जहा कसायकुसीले, एवं
छेदोवट्ठावणिएवि, परिहारविसुद्धिए जहा पुलाए, सुहमसंपरागसंजए पुच्छा, गोयमा ! सकसायी होज्जा ४ नो अकसायी होजा, जइ सकसायी होजा से णं भंते ! कतिसु कसायेसु होजा ?, गोयमा! एगंमि संजलणलोभे होज्जा, अहक्खायसंजए जहा नियंठे १८॥ सामाइयसंजए णं भंते ! किं सलेस्से होजा अलेस्से होजा?,
Jain Education International
For Personal & Private Use Only
www.jainelibrary.org
