________________
नियंठो, एवं अहक्खाओवि १२ ॥ (सूत्रं ७८९) सामाइयसंजए णं भंते! कालगए समाणे किं गतिं गच्छति ?, गोयमा ! देवगतिं गच्छति, देवगतिं गच्छमाणे किं भवणवासीसु उवव० वाणमंतर० उववज्जेज्जा जोड़सिएसु उववज्जेज्जा वेमाणिएस उववज्जेज्जा ?, गो० ! णो भवणवासीसु उववज्जेज्जा जहां कंसायकुसीले, एवं छेदोवद्वावणिएवि, परिहारविसुद्धिए जहा पुलाए, सुहुमसंपराए जहा नियंठे, अहक्खाए पुच्छा, गोयमा ! | एवं अहकखाय संजएवि जाव अजहन्नमणुकोसेणं अणुत्तरविमाणेसु उववज्जेज्जा, अत्थेगतिए सिज्यंति जाव अंतं करेंति । सामाइयसंजए णं भंते । देवलोगेसु उववज्जमाणे किं इंदत्ताए उववज्जति पुच्छा, गोयमा ! अविराहणं पडुच एवं जहा कसायकुसीले, एवं छेदोवद्वावणिएवि, परिहारविसुद्धिए जहा पुलाए, सेसा जहा | नियंठे । सामाइयसंजयस्स णं भंते! देवलोगेसु उववज्जमाणस्स केवतियं कालं ठिती ५० १, गोयमा ! जहनेणं दो पलिओवमाइं उक्कोसेणं तेत्तीसं सागरोवमाहं, एवं छेदोवद्वावणिएवि, परिहारविसुद्वियस्स पुच्छा, गोमा ! जहन्नेणं दो पलिओ माई उक्कोसेणं अट्ठारस सागरोवमाई, सेसाणं जहा नियंठस्स १३ ॥ ( सूत्रं ७९०) सामाइयसंजयस्स णं भंते ! केवइया संजमद्वाणा पन्नत्ता ?, गोयमा ! असंखेज्जा संजमट्ठाणा प०, एवं जाव परि हारविसुद्धियस्स, सुहुमसंपरायसंजयस्स पुच्छा, गोयमा ! असंखेजा अंतोमुहुत्तिया संजमट्ठाणा १०, अहक्खाय संजयस्स पुच्छा, गोयमा ! एगे अजहन्नमणुकोसए संजमट्ठाणे । एएसि णं भंते ! सामाइयछेदोवट्ठा| वणियपरिहारविसुद्धियसुहुमसंपरागअहक्खाय संजयाणं संजमट्ठाणाणं कयरे २ जाव विसेसाहिया वा ?,
Jain Education International
For Personal & Private Use Only
www.jainelibrary.org
