________________
सलेस्से होज्जा से णं भंते ! कतिसु लेस्सासु होज्जा ?, गोयमा ! तिसु विसुद्धलेस्सासु होज्जा, तं० तेउलेस्साए पूम्ह लेस्साए सुक्कलेस्साए, एवं बउसस्सवि, एवं पडिसेवणाकुसीलेवि, कसायकुसीले पुच्छा, गोयमा ! सलेस्से होज्जा णो अलेस्से होज्जा, जइ सलेस्से होज्जा से णं भंते ! कतिसु लेसासु होज्जा ? गोयमा ! छसु लेसासु होज्जा, तं०- कण्हलेस्साए जाव सुक्कलेस्साए, नियंठे णं भंते ! पुच्छा, गोयमा ! सलेस्से होज्जा णो अलेस्से होज्जा, जइ सलेसे हो० से णं भंते ! कतिसु लेस्सासु होज्जा ?, गोयमा ! एक्काए सुक्कलेस्साए होजा, सिणाए पुच्छा, गोयमा ! सलेस्से वा अलेस्से वा होज्जा, जइ सलेस्से हो० से णं भंते ! कतिसु लेस्सासु होज्जा ? गोयमा ! |एगाए परमसुक्कलेस्साए होजा १९ ॥ सूत्रं ७६९) पुलाए णं भंते । किं वहुमाणपरिणामे होज्जा हीयमाणपरिणामे होजा अवट्ठियपरि० ?, गोयमा ! वहुमाणपरि० वा होजा हीयमाणपरिणामे वा होज्जा अवट्ठियपरिणामे वा होज्जा, एवं जाव कसायकुसीले । णियंठे णं पुच्छा, गोयमा ! वहुमाणपरिणामे हो० णो हीयमाणप० हो०, अवद्वियपरिणामे वा होज्जा, एवं सिणाएव । पुलाए णं भंते ! केवइयं कालं वमाणपरिणामे होज्जा ?, गोयमा ! जहनेणं एवं समयं उक्को० अंतोमु०, केवतियं कालं हीयमाणपरिणामे होज्जा ?, गोयमा ! जह० एकं समयं उक्को० अंतोमु०, केवइयं कालं अवट्टियपरिणामे होज्जा ?, गोयमा ! जहन्ने० एकं | समयं उक्कोसेणं सत्त समया, एवं जाव कसायकुसीले । नियंठे णं भंते ! केवतियं कालं वहुमाणपरिणामे होज्जा ?, गोयमा ! जहन्ने० अंतोमुहुत्तं उक्कोसेणवि अंतोमुहुत्तं, केवतियं कालं अवट्टियपरिणामे होज्जा ?,
Jain Education International
For Personal & Private Use Only
www.jainelibrary.org
