________________
ARREARRORS
स०२ गोसालस्स मंखलिपुत्तस्स वहाए सरीरगंसि तेयं निसिरह, तए ण अहं गोयमा ! गोसालस्स मंखलिपुत्तस्स अणुकंपणट्टयाए वेसियायणस्स बालतवस्सिस्स तेयपडिसाहरणट्टयाए एत्थ णं अंतरा अहं सीयलियं तेयलेस्सं निसिरामि जाए सा ममं सीयलियाए तेयलेस्साए वेसियायणस्स बालतवस्सिस्स सीओसिणा तेयलेस्सा पडिहया, तए णं से वेसियायणे बालतवस्सी ममं सीयलियाए तेयलेस्साए सीओसिणं तेयलेस्सं पडिहयं जाणित्ता गोसालस्स मंखलिपुत्तस्स सरीरगस्स किंचि आबाहं वा वाबाहं वा छविच्छेदं वा अकीरमाणं पासित्ता सीओसिणं तेयलेस्सं पडिसाहरइ सीओ०२ मम एवं वयासी-से गयमेयं भगवं! से गयमेयं भगवं, तए णं गोसाले मंखलिपुत्तेममं एवं वयासी-किण्हं भंते ! एस जूयासिज्जायरए तुझे एवं वयासी-से गयमेयं भगवं! गयगयमेयं भगवं, तए णं अहंगोयमा.! गोसालं मंखलिपुत्तं एवं बयासीतुमं णं गोसाला! वेसियानणं बालतवस्सिं पाससि पासित्ता ममं अंतियाओ तुसिणियं २ पच्चोसकसि जेणेव वेसियायणे बालतवस्सी तेणेव उवागच्छसि ते०२ वेसियायणं बालतवस्सि एवं वयासी-किं भवं मुणी मुणिए उदाहु जूयासेज्जायरए १, तए णं से वेसियायणे बालतवस्सी तव एयमह नो आढाति नो परिजाणाति तुसिणीए संचिट्ठइ, तए णं तुमं गोसाला वेसियायणं बोलतवस्सिं दोचंपि तचंपि एवं वयासीकिं भवं मुणी मुणिए जाव सेजायरए, तए णं से वेसियायणे बालतवस्सी तुम दोचंपि तचंपि एवं वुत्ते समाणे आसुरुत्ते जाव पच्चोसकति प० २ तव वहाए सरीरगंसि तेयलेस्सं निस्सरइ, तए णं अहं गोसाला! तव
MAHARAMSAMACHAR
Jain Education International
For Personal & Private Use Only
www.jainelibrary.org
