________________
कोसेणं कोट्ठागारेणं पुरेणं अंतेउरेणं वहामि विपुलधणकणगरयणजा वसंतसारसावएज्जेणं अतीव २ अभिबहामि तं किन्नं अहं पुरा पोराणाणं जाव एगंतसोक्खयं उद्देहमाणे विहरामि १, तं जाव ताव अहं हिर| नेणं बहामि तं चैव जाव अभिवामि जाव मे सामंतरायाणोवि वसे वति ताव ता मे सेयं कल्लं पाउप्पभयाए जाव जलते सुबहु लोहीलोहकडाहकडुच्छ्रयं तंबियं तावसभंडगं घडावेत्ता सिवभद्दं कुमारं रज्जे | ठावेत्ता तं सुषहुं लोहीलोहक डाह कडुच्छुयं तंबियं ताव सभंडगं गहाय जे इमे गंगाकूले वाणपत्था तावसा भवंति, तं० - होत्तिया पोत्तिया कोत्तिया जन्नई सहई थालई जंच उट्ठदंतुक्खलिया उम्मज्जया संमज्जगा निमज्जगा संपक्वाला उद्धकंडूया अहोकंडूयगा दाहिणकूलगा उत्तरकूलगा संखधमया कूलधमगा मितलुद्धा हत्थितावसा जलाभिसेयकिढिणगाया अंबुवासिणो वाउवासिणो जलवासिणो चेलवासिणो अंबुभक्खिणो वायभक्खिणो सेवालभक्खिणो मूलाहारा कंदाहारा पत्ताहारा पुष्फाहारा फलाहारा बीयाहारा परिसडियकंदमूलपंडुपत्तपुप्फफलाहारा उद्दंडा रुक्खमूलिया वालवासिणो वक्कपासिणो दिसापोक्खिया आयावणाहिं पंचग्गितावेहिं इंगालसोल्लियंपिव कंडुसोल्लियंपिव कट्ठसोल्लियंपिव अप्पाणं जाव करेमाणा विहरंति जहा उववाइए जाव कट्ठसोल्लियंपिव अप्पाणं करेमाणा विहरंति ॥ तत्थ णं जे ते दिसापोक्खियतावसा तेसिं अंतियं मुंडे |भविता दिसापोक्खियतावसत्ताए पञ्चइन्तए, पचइएवि य णं समाणे अयमेयारूवं अभिग्गहं अभिगिहिस्सामि - कप्पर मे जावज्जीवाए छटुंछट्टेणं अनिक्खित्तेणं दिसाचक्कवालेणं तवोकम्मेणं उहुं बाहाओ पगि
Jain Education International
For Personal & Private Use Only
www.jainelibrary.org
