________________
भाणियवो जाव सेत्तं केवलनाणे ॥ अन्नाणे णं भंते ! कतिविहे पण्णत्ते ?, गोयमा ! तिविहे पण्णत्ते, तंजहा-181 मइअन्नाणे सुयअन्नाणे विभंगन्नाणे । से किं तं मइअन्नाणे ?, २६चउबिहे पण्णत्ते, तंजहा-उग्गहो जाव धारणा । से किं तं उग्गहे १,२ दुविहे पण्णत्ते, तंजहा-अत्थोग्गहे य वंजणोग्गहे य, एवं जहेव आभिणिबोहियनाणं तहेव, नवरं एगढियवजं जाव नोइंदियधारणा, सेत्तं धारणा, सेत्तं मइअन्नाणे । से किं तं सुय| अन्नाणे १, २ जं इमं अन्नाणिएहिं मिच्छद्दिट्ठिएहिं जहा नंदीए जाव चत्तारि वेदा संगोवंगा, सेत्तं सुयअनाणे । से किं तं विभंगनाणे १, २ अणेगविहे पण्णत्ते, तंजहा-गामसंठिए नगरसंठिए जाव संनिवेससंठिए दीवसंठिए समुहसंठिए वाससंठिए वासहरसंठिए पव्वयसंठिए रुक्खसंठिए थूभसंठिए हयसंठिए गयसंठिए नरसंठिए किंनरसंठिए किंपुरिससंठिए महोरगगंधवसंठिए उसभसंठिए पसुपसयविहगवानरणाणासंठाणसंठिए पण्णत्ते ॥ जीवा णं भंते ! किं नाणी अन्नाणी ?, गोयमा ! जीवा नाणीवि अन्नाणीवि, जे नाणी ते अत्थेगतिया दुनाणी अत्थेगतिया तिन्नाणी अत्यंगतिया चउनाणी अत्थेगतिया एगनाणी जे दुनाणी ते आभिणियोहियनाणी य सुयनाणी य जे तिन्नाणी ते आभिणिबोहियनाणी सुयनाणी ओहिनाणी | अहवा आभिणियोहियनाणी सुयनाणी मणपजवनाणी जे चउनाणी ते आभिणिबोहियनाणी सुयनाणी
ओहिनाणी मणपज्जवनाणी जे एगनाणी ते नियमा केवलनाणी, जे अन्नाणी ते अत्थेगतिया दुअन्नाणी अत्थेगतिया तिअन्नाणी जे दुअन्नाणी ते मइअन्नाणी य सुयअन्नाणी य जे तियअन्नाणी ते मइअन्नाणी सुयअन्नाणी|
कककका
Jain Education International
For Personal & Private Use Only
www.jainelibrary.org
