________________
ॐॐॐॐॐॐ
उत्तरिज्जा मुच्छावसणटुंचेतगुरुई सुकुमालविकिन्नकेसहत्था परसुणियत्तच चंपगलया निबत्तमहे व इंदलही | विमुक्कसंधिबंधणा कोट्टिमतलंसि धसत्ति सधंगेहिं संनिवडिया, तए णं सा जमालिस्स खत्तियकुमारस्स माया ससंभमोयत्तियाए तुरियं कंचभिंगारमुहविणिग्गयसीयलविमलजलधारापरिसिंचमाणनिववियगायलट्ठी उक्खेवयतालियंटवीयणगजणियवाएणं सफुसिएणं अंतेउरपरिजणेणं आसासिया समाणी रोयमाणी कंदमाणी सोयमाणी विलवमाणी जमालिं खत्तियकुमारं एवं वयासी-तुमंसि णं जाया ! अम्हं एगे पुत्ते इहे कंते पिए मणुन्ने मणामे थेज्जे वेसासिए संमए बहुमए अणुमए भंडकरंडगसमाणे रयणे रयणन्भूए जीविऊसविये हिययानंदिजणणे उंबरपुप्फमिव दुल्लभे सवणयाए किमंग पुण पासणयाए?, तं नो खलु जाया ! अम्हे इच्छामो तुझं खणमवि विप्पओगं, तं अच्छाहि ताव जाया !जाव ताव अम्हे जीवामो, तओ पच्छा अम्हहिं कालगएहिं समाणेहिं परिणयवये वड्डियकुलवंसतंतुकजंमि निरवयक्खे समणस्स भगवओ महावीरस्स अंतियं | मुंडे भवित्ता आगाराओ अणगारियं पवइहिसि । तएणं से जमाली खत्तियकुमारे अम्मापियरो एवं वयासी|तहावि णं तं अम्म ! ताओ! जणं तुझे मम एवं वदह तुमंसिणं जाया! अम्हं एगे पुत्ते इहे कंते तं चेव | जाव पवइहिसि, एवं खलु अम्म! ताओ!माणुस्सए भवे अणेगजाइजरामरणरोगसारीरमाणुस्सए कामदुक्खवयणवसणसतोवद्दवाभिभूए अधुए अणितिए असासए संज्झन्भरागसरिसे जलबुब्बुदसमाणे कुसग्गजलबिंदुसन्निभे सुविणगदंसणोवमे विजुलयाचंचले अणिच्चे सडणपडणविद्धंसणधम्मे पुर्वि वा पच्छा वा अवस्स
Jain Education International
For Personal & Private Use Only
www.jainelibrary.org
