________________
त्ताराहणा तस्सुक्कोसिया णाणाराहणा, जहा उक्कोसिया णाणाराहणा य दंसणाराहणा य भणिया तहा |उक्कोसिया नाणाराहणा य चरित्ताराहणा य भाणियवा । जस्स णं भंते ! उक्कोसिया दंसणाराहणा तस्सुक्कोसिया चरित्ताराहणा जस्सुक्कोसिया चरित्ताराहणा तस्सुक्कोसिया दंसणाराहणा?, गोयमा ! जस्स उक्को|सिया दंसणाराहणा तस्स चरित्ताराहणा उक्कोसा वा जहन्ना वा अजहन्नमणुक्कोसा वा जस्स पुण उक्कोसिया चरित्ताराहणा तस्स दंसणाराहणा नियमा उक्कोसा ॥ उक्कोसियं णं भंते ! णाणाराहणं आराहेत्ता कतिहिं भवग्गहणेहिं सिझंति जाव अंतं करेंति ?, गोयमा ! अत्थेगइए तेणेव भवग्गहणेणं सिझंति जाव अंतं करेंति अत्थेगतिए दोच्चेणं भवग्गहणेणं सिझंति जाव अंतं करेंति, अत्थेगतिए कप्पोवएसु वा कप्पाती|एसु वा उववजंति, उक्कोसियं णं भंते ! दसणाराहणं आराहेत्ता कतिहिं भवग्गहणेहिं, एवं चेव, उक्कोसियण्णं | | भंते! चरित्ताराहणं आराहेत्ता, एवं चेव, नवरं अत्थेगतिए कप्पातीयएसु उववजंति । मज्झिमियं णं भंते ! णाणाराहणं आराहेत्ता कतिहिं भवग्गहणेहिं सिझंति जाव अंतं करेंति ?, गोयमा ! अत्थेगतिए दोघेणं भवग्गहणेणं सिज्झइ जाव अंतं करेंति तचं पुण भवग्गहणं नाइक्कमइ, मज्झिमियं णं भंते ! दंसणाराहणं आराहेत्ता एवं चेव, एवं मज्झिमियं चरिताराहणंपि । जहन्नियन्नं भंते ! नाणाराहणं आराहेत्ता कतिहिं भवग्गहणेहिं सिझंति जाव अंतं करेंति ?, गोयमा ! अत्थेगतिए तचेणं भवग्गहणणं सिज्झइ जाव अंतं करेइ सत्तभवग्गहणाई पुण नाइक्कमइ, एवं दसणाराहणंपि, एवं चरित्ताराहणंपि ॥ (सूत्रं ३५५)॥
ACCIAAAAAA%
Jain Education International
For Personal & Private Use Only
www.jainelibrary.org
