________________
बाहाओ पगिज्झिय २ सूराभिमुहस्स आयावणभूमीए आयावेमाणस्स विहरित्तए, छहस्सवि य णं पारणयंसि आयावणभूमीतो पच्चोरुभित्ता सयमेव दारुमयं पडिग्गहयं गहाय तामलित्तीए नगरीए उच्चनीयम|ज्झिमाई कुलाई घरसमुदाणस्स भिक्खायरियाए अडित्ता सुद्धोदणं पडिग्गाहेत्ता तं तिसत्तखत्तो उदएणं पक्खालेत्ता तओ पच्छा आहारं आहारित्तएत्तिकट्ठ एवं संपेहेइ २ कलं पाउप्पभायाए जाव जलते || सयमेव दारुमयं पडिग्गहयं करेइ २ विउलं असणं पाणं खाइमं साइमं उवक्खडावेइ २ तओ पच्छा पहाए कयबलिकम्मे कयकोउयमंगलपायच्छित्ते सुद्धप्पावेसाई मंगल्लाई वत्थाई पचरपरिहिए अप्पमहग्याभरणालं-12 कियसरीरे भोयणवेलाए भोयणमंडवंसि सुहासणवरगए तए णं मित्तणाइनियगसयणसंबंधिपरिजणेणं सद्धिं |तं विउलं असणं पाणं खातिमं साइमं आसादेमाणे वीसाएमाणे परिभाएमाणे परिभुजेमाणे विहरइ । जिमियभुत्तुत्तरागएऽवि य णं समाणे आयंते थोक्खे परमसुइभूए तं मित्तं जाव परियणं विउलेणं असणपाण ४पुप्फवत्थगंधमल्लालंकारेण य सकारेइ २ तस्सेव मित्तणाइ जाव परियणस्स पुरओ जेटुं पुत्तं कुटुंबे ठावेइ २ त्ता तस्सेव तं मित्तनाइणियगसयणसंबंधिपरिजणं जेट्टपुत्तं च आपुच्छइ २ मुंडे भवित्ता पाणामाए पव्वजाए पव्वइए, पव्वइएवि य णं समाणे इमं एयारुवं अभिग्गहं अभिगिण्हइ-कप्पइ मे जावज्जीवाए छटुंछट्टेणं जाव आहारित्तएत्तिकट्ठ इमं एयारूवं अभिग्गहं अभिगिण्हइ २ त्ता जावजीवाए छटुंछटेणं अणिक्खित्तेणं तवोकम्मेणं उर्दु बाहाओ पगिज्झिय २ सूराभिमुहे आयावणभूमीए आयावेमाणे विह
Jain Education International
For Personal & Private Use Only
www.jainelibrary.org
