________________
एवं वदासी - इमातो ते जाया ! सरिसियाओ सरिसत्त्याओ सरिसबयाओ सरिसलावन्नरूवजोवणगुणोववेयाओ सरिसेहिंतो रायकुलेहिंतो आणियल्लियाओ भारियाओ, तं भुंजाहि णं जाया ! एताहिं सद्धिं विपुले माणुस्सर कामभोगे तओ पच्छा भुक्तभोगे समणस्स ३ जाव पवइस्ससि, तते णं से मेहे कुमारे अम्मापितरं एवं वदासी - तहेव णं अम्मयाओ ! जन्नं तुभे ममं एवं वदह-इमाओ ते जाया ! सरिसियाओ जाव समणस्स ३ पवइस्ससि, एवं खलु अम्मयाओ ! माणुस्सगा कामभोगा असुई असासया वंतासवा पित्तासवा खेलासवा सुक्कासवा सोणियासवा दुरुस्सासनीसासा दुख्यमुत्तपुरिसपूयबहुपडिपुन्ना उच्चारपासवणखेलजल्लसिंघाणगवंतपित्तसुक्कसोणितसंभवा अधुवा अणितिया असासया सडपडणविद्धंसणधम्मा पच्छा पुरं च णं अवस्सविप्पजहणिज्जा, से के णं अम्मयाओ ! जाणंति के पुि गमणाए के पच्छा गमणाए ?, तं इच्छामि णं अम्मयाओ ! जाव पञ्चतित्तए । तते णं तं मेहं कुमारं अम्मापितरो एवं वदासी- इमे ते जाया ! अज्जयपज्जयपिउपज्जयागए सुबहु हिरन्ने य सुवण्णे य कंसे दूसेय मणिमत्तिए य संखसिलप्पवालरत्तरयणसंतसारसावतिज्जे य अलाहि जाव आसत्त'माओ कुलवंसाओ पगामं दाडं पगामं भोत्तुं पकामं परिभाएडं तं अणुहोहि ताव जाव जाया ! विपुलं माणुस्सगं इढिसक्कारसमुदयं तओ पच्छा अणुभूयकलाणे समणस्स भगवओ महावीरस्स अंतिए पत्रइस्ससि, तते णं से मेहे कुमारे अम्मापियरं एवं वदासी - तहेव णं अम्मयाओ ! जण्णं तं वदह इमे ते जाया !
Jain Education International
For Personal & Private Use Only
www.jainelibrary.org
