________________
पासित्ता हट्टतट्टे पोसहं पारेइ २ करयल० अंजलिं कट्ट एवं वयासी-एवं खलु देवाणुप्पिया! मम चुल्लमाउयाए धारिणीए देवीए अयमेयारूवे अकालडोहले पाउन्भूते-धन्नाओ णं ताओ अम्मयाओ तहेव पुबगमेणं जाव विणिजामि, तन्नं तुमं देवाणुप्पि० मम चुल्लमाउयाए धारिणीए देवीए अयमेयारूवं अकालडोहलं विणेहि, तते णं से देवे अभएणं कुमारेणं एवं वुत्ते समाणे हद्वतुट्ट अभयकुमारं एवं वदासीतुमण्णं देवाणुप्पिया! सुणिब्बुयवीसत्थे अच्छाहि, अहण्णं तव चुल्लमाउयाए धारिणीए देवीए अयमेयास्वं डोहलं विणैमीतिकट्ट अभयस्स कुमारस्स अंतियाओ पडिणिक्खमति २ उत्तरपुरच्छिमेणं वेभारपचए वेउब्वियसमुग्याएणं समोहण्णति २ संखेजाई जोयणाई दंडं निस्सरति जाव दोचंपि वेउब्वियसमुग्धाएणं समोहण्णति २ खिप्पामेव सगजतियं सविज्जुयं सफुसियं तं पंचवन्नमहणिणाओवसोहियं दिवं पाउससिरिं विउच्वेइ २ जेणेव अभए कुमारे तेणामेव उवागच्छइ २ अभयं कुमारं एवं वदासी-एवं खलु देवाणुप्पिया! मए तव पियट्टयाए सगजिया सफुसिया सविज्जुया दिवा पाउससिरी विउविया, तं विणेउ णं देवाणुप्पिया! तव चुल्लमाउया धारिणीदेवी अयमेयारूवं अकालडोहलं, तते णं से अभयकुमारे तस्स पुवसंगतियस्स देवस्स सोहम्मकप्पवासिस्स अंतिए एयमढे सोचा णिसम्म हहतुट्टे सयातो भवणाओ पडिनिक्खमति २ जेणामेव सेणिए राया तेणामेव उवागच्छति करयल० अंजलिं कट्ट एवं वदासी-एवं खलु ताओ! मम पुत्वसंगतिएणं सोहम्मकप्पवासिणा देवेणं खिप्पामेव सगजिता सवि
Jain Education Intematonal
For Personal & Private Use Only
www.jainelibrary.org
