________________
ज्ञाताधर्मकथाङ्गम्.
१उरिक्षप्तज्ञात पूर्वसंगतिकृदे वागमः सू.
॥३१॥
त्तमाओ धरणियलगमणतुरितसंजणितगमणपयारो वाघुणितविमलकणगपयरगवडिंसगमउडुक्कडाडोवदंसणिज्जो अणेगमणिकणगरतणपहकरपरिमंडितभत्तिचित्तविणिउत्तगमणगजणियहरिसे खोलमाणवरललितकुंडलुजलियवयणगुणजनितसोमरूवे उदितोविव कोमुदीनिसाए सणिच्छरंगारउज्जलियमझभागत्थे णयणाणंदो सरयचंदो दिवोसहिपज्जलुजलियदंसणाभिरामो उउलच्छिसमत्तजायसोहे पइट्टगंधुद्धयाभिरामो मेरुरिव नगवरो विगुवियविचितवेसे दीवसमुद्दाणं असंखपरिमाणनामधेजाणं मझंकारेणं वीइवयमाणो उज्जोयंतो पभाए विमलाते जीवलोगं रायगिहं पुरवरं च अभयस्स य तस्स पासं उवयति दिवरूवधारी (सूत्रं १४)तते णं से देवे अंतलिक्खपडिवन्ने दसद्धवन्नाइं सखिंखिणियाइं पवरवत्थाई परिहिए एक्को ताव एसो गमो, अण्णोऽवि गमो-ताए उक्किट्ठाए तुरियाए चवलाए चंडाए सीहाए उद्धयाए जतिणाए छेयाए दिवाए देवगतीए जेणामव जंबुद्दीवे २ भारहे वासे जेणामेव दाहिणभरहे रायगिहे नगरेपोसहसालाए अभयए कुमारे तेणामेव उवागच्छइ २ अंतरिक्खपडिवन्ने दसद्धवन्नाइं सखिखिणियाई पवरवत्थाई परिहिए अभयं कुमारं एवं वयासी-अहन्नं देवाणुप्पिया! पुत्वसंगतिए सोहम्मकप्पवासी देवे महहिए जपणं तुमं पोसहसालाए अट्ठमभत्तं पगिण्हित्ता णं ममं मणसि करेमाणे चिट्ठसि तं एस णं देवाणुप्पिया ! अहं इहं हवमागए, संदिसाहि णं देवाणुप्पिया! किं करेमि किं दलामि किं पयच्छामि किंवा ते हियइच्छितं?, तते णं से अभए कुमारे तं पुत्वसंगतियं देवं अंतलिक्खपडिवन्नं पासइ
॥३१॥
Jain Education International
For Personal & Private Use Only
www.jainelibrary.org
