________________
संजुत्तए एवं व०-गच्छहणं तुम्भे देवा !मम कोडुंबियपुरिसेहिं सद्धिं कालियदीवाओ ते आसे आणेह, ततेणं से संजुत्ता० कणगकेउं एवं व०-एवं सामित्तिकट्ठ आणाए विणएणं वयणं पडिसुणेति, ततेणं कणगकेऊ कोडंबियपुरिसे सद्दावेति २ एवं व०-गच्छह णं तुम्भे देवा! संजुत्तएहिं सद्धिं कालियदीवाओमम आसे आणेह, तेवि पडिसुणेति, तते णं ते कोडंबिय० सगडीसागडं सजेंति २ तत्थ णं बहूणं वीणाण य वल्लकीण य भामरीण य कच्छभीण य भंभाण य छन्भामरीण य विचित्तवीणाण य अन्नेसिं च बहणं सोतिंदियपाउग्गाणं दवाणं सगडीसागडं भरेंति २ बहूणं किण्हाण य जाव सुक्किलाण य कट्टकम्माण य ४ गंथिमाण य ४ जाव संघाइमाण य अन्नसिं च बहूर्ण चक्खिदियपाउग्गाणं दवाणं सगडीसागडं भरेंति २ बहूणं कोहपुडाण य केयइपुडाण य जाव अन्नेसिं च बहणं घाणिदियपाउग्गाणं दवाणं सगडीसागडं भरेंति २ बहुस्स खंडस्स य गुलस्स य सक्कराए य मच्छंडियाए य पुप्फुत्तरपउमुत्तर० अन्नेसिं च जिभिदियपाउग्गाणं दवाणं भरेंति २ बहणं कोयवयाण य कंवलाण य पावरणाण य नवतयाण य मलयाण य मसूराण य सिलावट्ठाण जाव हंसगन्भाण य अन्नेसिं च फासिंदियपाउग्गाणं दवाणं जाव भरेंति रसगडीसागडं जोएंति २ जेणेव गंभीरए पोयट्ठाणे तेणेव य उवा०२ सगडीसागडं मोएंति २ पोयवहणं सज्जेति २ तेसिं उकिटाणं सहफरिसरसरूवगंधाणं कट्ठस्स य तणस्स य पाणियस्स य तंदुलाण य समियस्स य गोरसस्स य जाव अन्नसिं च बहूणं पोयवहणपाउग्गाणं पोयवहणं भरेतिरदक्खि
Jain Education International
For Personal & Private Use Only
www.jainelibrary.org
