________________
आसरहं दुलहइ २ बहहिं पुरिसेहिं सन्नद्ध जाव गहियाऽऽउहपहरणेहिं सद्धिं संपरिवडे कंपिल्लपुरं नगरं मज्झमज्झेणं निग्गच्छति, पंचालजणवयस्स मज्झमझेणं जेणेव देसप्पंते तेणेव उवागच्छा, सुरद्वाजणवयस्स मज्झंमज्झणं जेणेव बारवती नगरी तेणेव उवागच्छइ २ बारवई नगरिं मझमझेणं अणुपविसह २ जेणेव कण्हस्स वासुदेवस्स बाहिरिया उवट्ठाणसाला तेणेव उवागच्छह २त्ता चाउरघंट आसरहं ठवेइ २ रहाओ पच्चोरुहति २ मणुस्सवग्गुरापरिक्खित्ते पायचारविहारचारेणं जेणेव कण्हे वासुदेवे तेणेव उवा० २ कण्हं वासुदेवं समुद्दविजयपामुक्खे य दस दसारे जाव बलवगसाहस्सीओ करयल तं चेव जाव समोसरह । तते णं से कण्हे वासुदेवे तस्स दूयस्स अंतिए एयमढे सोचा निसम्म हह जाव हियए तं दूयं सकारेइ सम्माणेइ २ पडिविसज्जेइ । तए णं से कण्हे वासुदेवे कोडुंबियपुरिसं सद्दावेइ एवं व०-गच्छह णं तुमं देवाणुप्पिया! सभाए सुहम्माए सामुदाइयं भेरिं तालेहि, तए णं से कोडंघियपुरिसे करयल जाव कण्हस्स वासुदेवस्स एयमढे पडिसुणेतिरजेणेव सभाएसुहम्माए सामुदाइया भेरी तेणेव उवागच्छइ २ सामुदाइयं भेरिं महया २ सद्देणं तालेइ, तए णं ताए सामुदाइयाए भेरीए तालियाए समाणीए समुद्दविजयपामोक्खा दस दसारा जाब महसेणपामुक्खाओ छप्पण्णं बलवगसाहस्सीओ व्हाया जाव विभूसिया जहा विभवइड्डिसकारसमुदएणं अप्पेगइया जाव पायविहारचारेणं जेणेव कण्हे वासुदेवे तेणेव उवागच्छंति २ करयल जाव कण्हं वासुदेवं अएणं विजएणं वद्धावेंति,
Jain Education International
For Personal & Private Use Only
www.jainelibrary.org
