________________
ति तत्थवि य णं पुवामेव उदएणं अब्भुक्खइत्ता ततो पच्छा ठाणं वा ३ चेएति, तते णं तातो गोवालियाओ अजाओ सूमालियं अजं एवं व०-एवं खलु देवा ! अज्जे अम्हे समणीओ निग्गंधीओ ईरियासमियाओ जाव बंभचेरधारिणीओ, नो खलु कप्पति अम्हं सरीरबाउसियाए होत्तए, तुमं च णं अजे! सरीरबाउसिया अभिक्खणं २ हत्थे धोवसि जाव चेदेसि, तं तुम णं देवाणुप्पिए ! तस्स ठाणस्स आलोएहि जाव पडिवजाहि, तते णं सूमालियागोवालियाणं अजाणं एयमटुंनो आढाइ नो परिजाणति अणाढायमाणी अपरिजाणमाणी विहरति, तए णं ताओ अजाओ सूमालियं अजं अभिक्खणं २ अभिहीलंति जाव परिभवंति, अभिक्खणं २ एयमढे निवारेंति, तते णं तीए सूमालियाए समणीहिं निग्गंथीहिं हीलिजमाणीए जाव वारिजमाणीए इमेयारूवे अन्भत्थिए जाव समुप्पजित्था, जया णं अहं अगारवासमझे वसामि तया णं अहं अप्पवसा, जया णं अहं मुंडे भवित्ता पवइया तया णं अहं परवसा, पुत्विं च णं ममं समणीओ आढायंति २ इयाणिं नो आदति २ तं सेयं खलु मम कल्लं पाउ० गोवालियाणं अंतियाओ पडिनिक्खमित्ता पाडिएकं उवस्सगं उवसंपज्जित्ताणं विहरित्तएत्तिकट्ट एवं संपेहेति २ कल्लं पा० गोवालियाणं अजाणं अंतियाओ पडिनिक्खमति २त्ता पाडिएकं उवस्सगं उवसंपजित्ता णं विहरति, तते णं सा सूमालिया अजा अणोहटिया अनिवारिया सच्छंदमई अभिक्खणंर हत्थे धोवेइ जाव चेएति तत्थविय णं पासत्था पासस्थविहारी ओसण्णा ओसण्णविहारी कुसीलार संसत्तारबहूणि वासाणि
Jain Education International
For Personal & Private Use Only
www.jainelibrary.org
