________________
ज्ञाताधर्मकथाङ्गम्.
९माकन्दीज्ञाता. हितोपदेशावाप्तिः
॥१६॥
सू. ८२
रयणदीवंतेणं संबूढे, तते णं सा रयणदीवदेवया ममं ओहिणा पासइ २ ममं गेण्हई २ मए सद्धिं विपुलातिं भोगभोगातिं भुंजमाणी विहरति, तते णं सा रयणदीवदेवया अण्णदा कयाई अहालहुसगंसि अवराहंसि परिकुविया समाणी ममं एतारूवं आवतिं पावेइ, तं ण णजति णं देवा! तुम्हंपि इमेसिं सरीरगाणं का मण्णे आवती भविस्सइ, तते णं ते मागंदियदारया तस्स मूलाइयगस्स अंतिए एयमत्थं सोचा णिसम्म बलियतरं भीया जाव संजायभया सूलाइतयं पुरिसं एवं व०-कहण्णं देवाणु! अम्हे रतणदीवदेवयाए हत्थाओ साहत्थि णित्थरिजामो ?,तते णं से मूलाइयए पुरिसे ते मागंदिया एवं वदासी-एस णं देवाणु ! पुरच्छिमिल्ले वणसंडे सेलगस्स जक्खस्स जक्खाययणे सेलए नामं आसरूवधारी जक्खे परिवसति, तए णं से सेलए जक्खे चोद्दसट्टमुद्दिठ्ठपुण्णमासिणीसु आगयसमए पत्तसमये महया २ सद्देणं एवं वदति-कं तारयामि कं पालयामि, तं गच्छह णं तुन्भे देवा! पुरच्छिमिल्लं वणसंड सेलगस्स जक्खस्स महरिहं पुप्फचणियं करेह २ जण्णुपायवडिया पंजलिउडा विणएणं पज्जुवासमाणा चिट्ठह, जाहे णं से सेलए जक्खे आगतसमए पत्तसमए एवं वदेजा-कं तारयामि कं पालयामि ?, ताहे तुन्भे वदह-अम्हे तारयाहि अम्हे पालयाहि, सेलए भे जक्खे परं रयणदीवदेवयाए हत्थाओ साहत्थिं णित्यारेजा, अण्णहा भे न याणामि इमेसिं सरीरगाणं का मण्णे आवई भविस्सइ ? (सूत्रं ८२) तते णं ते मागंदिय० तस्स सूलाइयस्स अंतिए एयमढे सोचा निसम्म सिग्घं चंडं
S॥१६३॥
Jain Education international
For Personal & Private Use Only
www.jainelibrary.org
