________________
ज्ञाताधमेकथानम्.
॥१६॥
९माकन्दीज्ञाता. वनपण्डे पडतुवर्णनं पर्वतशशिसागरैः सू.
॥१॥ तत्थ य सियकुंदधवलजोण्हो कुसुमितलोद्धवणसंडमंडलतलो । तुसारदगधारपीवरकरो हेमंतऊऊससी सया साहीणो ॥२॥ तत्थ णं तुन्भे देवाणुप्पिया! वावीसु य जाव विहरेजाह, जति णं तुम्भे तत्ववि उविग्गा वा जाव उस्सुया वा भवेज्जाह तो णं तुन्भे अवरिलं वणसंड गच्छेजाह, तत्थ णं दो ऊऊ साहीणा, तं०-वसंते य गिम्हे य, तत्थ उ सहकारचारुहारो किंसुयकणियारासोगमउडो । ऊसिततिलगबउलायपत्तो वसंतउऊणरवती साहीणो ॥ १॥ तत्थ य पाडलसिरीससलिलो मलियावासंतियधवलवेलो। सीयलसुरभिअनिलमगरचरिओ गिम्हऊऊसागरो साहीणो ॥२॥ तत्थ णं बहुसु जाव विहरेज्जाह,जति णं तुम्भे देवा! तत्थवि उधिग्गा उस्सुया भवेजाह तओ तुन्भे जेणेव पासायवडिंसए तेणेव उवागच्छेज्जाह, ममं पडिवालेमाणा २ चिट्ठजाह, मा णं तुन्भे दक्खिणिल्लं वणसंडं गच्छेजाह, तत्थ णं महं एगे उग्गविसे चंडविसे घोरविसे महाविसे अइकायमहाकाए जहा तेयनिसग्गे मसिमहिसामूसाकालए नयणविसरोसपुण्णे अंजणपुंजनियरप्पगासे रत्तच्छे जमलजुयलचंचलचलंतजीहे घरणियलवेणिभूए उक्कड फुडकुडिलजडिलकक्खडवियडफडा
डोवकरणदच्छे लोगाहारधम्ममाणधमधमेतघोसे अणागलियचंडतिवरोसे समुहिं तुरियं चवलं RT धमधमंतदिट्ठीविसे सप्पे य परिवसति, मा णं तुम्भं सरीरगस्स वावत्ती भविस्सइ, ते मागंदियदारए
२
॥१६॥
Jain Education International
For Personal & Private Use Only
www.jainelibrary.org
