________________
विवराणि य मम्माणि य अलभमाणे बहहिं आएहि य उवाएहि य उप्पत्तियाहि य ४ बुद्धीहिं परिणामेमाणे २ किंचि आयं वा उवायं वा अलभमाणे ओहतमणसंकप्पे जाव झियायति, इमं च णं मल्लीवि० पहाया जाव बहहिं खुजाहिं परिवुडा जेणेव कुंभए तेणेव उ०२ कुंभगस्स पायग्गहणं करेति, तते णं कुंभए मल्लिं विदेह० णो आढाति नो परियाणाइ तुसिणीए संचिट्ठति, तते णं मल्ली वि० कुंभग एवं वयासी-तुब्भे णं ताओ! अण्णदा ममं एन्जमाणं जाव निवेसेह, किण्णं तुभं अन्ज ओहत झियायह !, तते णं कुंभए मल्लिं वि० एवं व०-एवं खलु पुत्ता! तव कजे जितसत्तुपमुक्खेहिं छहिं रातीहिं दूया संपेसिया, ते णं मए असकारिया जाव निच्छढा, तते णं ते जितसत्तुपामुक्खा तोर्स दूयाणं अंतिए एयमलु सोचा परिकुविया समाणा मिहिलं रायहाणिं निस्संचारं जाव चिट्ठति, तते णं अहं पुत्ता तोर्स जितसत्तुपामोक्खाणं छण्हं राईणं अंतराणि अलभमाणे जाव झियामि, तते णं सा मल्ली वि. कुंभयं रायं एवं वयासी-मा ण तुब्भे ताओ! ओहयमणसंकप्पा जाव झियायह, तुन्भे णं ताओ! तोर्स जियसत्तुपामोक्खाणं छण्हं राईणं पत्तेयं २ रहसियं दूयसंपेसे करेह, एगमेगं एवं वदह-तव देमि मार्लि विदेहवररायकण्णंतिकट्ठ संझाकालसमयंसि पविरलमणूसंसि निसंतंसि पडिनिसंतंसि पत्तेयं २ मिहिलं रायहाणिं अणुप्पवेसेह २ गम्भघरएसु अणुप्पवेसेह मिहिलाए रायहाणीए दुवाराई पिधेह २ रोहसज्जे चिट्ठह, तते णं कुंभए एवं०तं चेव जाव पवेसेति रोहसज्जे चिट्ठति, तते णं ते जितसत्तुपामोक्खा
Jain Education International
For Personal & Private Use Only
www.jainelibrary.org
