________________
णं ममं ताओ इमे पंच सालिअक्खए जाएस्सति तया णं अहं पल्लंतराओ अन्ने पंच सालिअक्खए गहाय दाहामित्तिकट्ठ एवं संपेहेइ २ तं पंच सालिअक्खए एगंते एडेति २ सकम्मसंजुत्ता जाया यावि होत्था । एवं भोगवतियाएवि, णवरं सा छोल्लेति २ अणुगिलति२ सकम्मसंजुत्ता जाया। एवं रक्खियावि, नवरं गेण्हति २ इमेयारूवे अब्भत्थिए०-एवं खलु ममं ताओ इमस्स मित्तनाति० चउण्ह य सुण्हाणं कुलघरवग्गस्स य पुरतो सद्दावेत्ता एवं वदासी-तुमण्णं पुत्ता मम हत्थाओ जाव पडिदिजाएजासित्तिकट्ट मम हत्थंसि पंच सालिअक्खए दलयति तं भवियवमेत्थ कारणेणंतिकट्ठ एवं संपेहेति २ ते पंच सालिअक्खए सुद्धे वत्थे बंधइ २ रयणकरंडियाए पक्खिवेइ २ ऊसीसामूले ठावेइ २ तिसंझं पडिजागरमाणी विहरइ । तए णं से धण्णे सत्थंवाहे तस्सेव मित्त जाव चउत्थिं रोहिणीय सुण्हं सद्दावेति २ जाव तं भवियत्वं एत्थ कारणेणं तं सेयं खलु मम एए पंच सालि अक्खए सारक्खमाणीए संगोवेमाणीए संवढेमाणीएत्तिकट्ठ एवं संपेहेति २कुलघरपुरिसे सद्दावेति २ एवं वदासी-तुब्भे णं देवाणुप्पिया! एते पंच सालिअक्खए गेण्हह २ पढमपाउसंसि महाबुट्टिकायंसि निवइयंसि समाणंसि खुड्डागं केयारं सुपरिकम्मियं करेह २त्ता इमे पंच सालिअक्खए वावेह २ दोचंपि तचंपि उक्खयनिहए करेह २ वाडिपक्खेवं करेह २ सारक्खेमाणा संगोवेमाणा अणुपुत्वेणं संवड्देह, तते णं ते कोडुबिया रोहिणीए एतमढें पडिसुणंति ते पंच सालिअक्खए गेहंति २ अणुपुत्वेणं सारक्खंति संगोवंति विहरंति, तए णं ते
Jain Education International
For Personal & Private Use Only
www.jainelibrary.org
