________________
ज्ञाताधर्मकथाङ्गम्
रोहिणीज्ञातं सृ. ६३
॥११५॥
मन्ने आहारे वा आलंबे वा पडिबंधे वा भविस्सति ?, तं सेयं खलु मम कल्लं जाव जलंते विपुलं असणं ४ उवक्खडावेत्ता मित्तणाति० चउण्हं सुण्हाणं कुलघरवग्मं आमंतेत्तातं मित्तणाइणियगसयण य चउण्ह मुण्डाणं कुलघरवग्गं विपुलेणं असणं ४धुवपुप्फवत्थगंध जाव सकारेत्तासम्माणेत्ता तस्सेव मित्तणाति. चउण्ह य सुण्हाणं कुलघरवग्गस्स पुरतो चउण्हं सुण्हाणं परिक्खणट्ठयाए पंच २ सालिअक्खए दलइत्ता जाणामि ताव का किहं वा सारक्खेह वा संगोवेइ वा संवड्डेति वा ?, एवं संपेहेइ २ कल्लं जाव मित्तणाति० चउण्हं सुण्हाणं कुलघरवग्गं आमंतेइ २ विपुलं असणं ४ उवक्खडावेइ ततो पच्छा पहाए भोयणमंडवंसि महासण. मित्तणाति० चउण्ह य सुण्हाणं कुलघरवग्गेणं सद्धिं तं विपुलं असण ४ जाव सक्कारेति २ तस्सेव मित्तनाति० चउण्ह य सुण्हाणं कुलघरवग्गस्स य पुरतो पंच सालिअक्खए गेण्हति २ जेट्ठा सुण्हा उज्झितिया तं सदावेति २ एवं वदासी-तुम णं पुत्ता मम हत्थाओ इमे पंच सालिअक्खए गेण्हाहि २ अणुपुत्वेणं सारक्खेमाणी संगोवेमाणी विहराहि, जया णंऽहं पुत्ता! तुम इमे पंच सालिअक्खए जाएजा तया णं तुमं मम इमे पंच सालिअक्खए पडिदिजाएजासित्तिकट्ट सुण्हाए हत्थे दलयति २ पडिविसजेति, तते णं सा उज्झिया धण्णस्स तहत्ति एयमढे पडिसुणेति २ धण्णस्स सत्थवाहस्स हत्थाओ ते पंच सालिअक्खए गेण्हति २ एगंतमवक्कमति एगंतमवक्कमियाए इमेयारूवे अन्भत्थिए०-एवं खलु तायाणं कोहागारंसि बहवे पल्ला सालीणं पडिपुण्णा चिट्ठति, तं जया
॥११५॥
Jain Education International
For Personal & Private Use Only
www.jainelibrary.org
