________________
गस्सअरिस्स वेरियस्स पडिणीयस्स पच्चामित्तस्स एत्तो विपुलाओअसण.४संविभागं करेजामि, तते णं से धण्णे सत्यवाहे तं विपुलं असणं ४ आहारेति २तं पंथयं पडिविसज्जेति, तते णं से पंथए दासचेडे तं भोयणपिडगं गिण्हति २ जामेव दिसिं पाउन्भूते तामेव दिसिं पडिगए, तते णं तस्स धण्णस्स सत्थवाहस्स तं विपुलं असणं ४ आहारियस्स समाणस्स उच्चारपासवणे णं उद्याहित्था, तते णं से धण्णे सत्थ'वाहे विजयं तक्करं एवं वदासी-एहि ताव विजया! एगंतमवक्कमामो जेणं अहं उच्चारपासवणं परिहवेमि, तते णं से विजए तक्करे धण्णं सत्थवाहं एवं वयासी-तुभं देवाणुप्पिया! विपुलं असणं ४ आहारियस्स अस्थि उच्चारे वा पासवणे वा ममन्नं देवाणुप्पिया! इमेहिं बहहिं कसप्पहारेहि यजाव लयापहारेहि य तण्हाए य छुहाए य परब्भवमाणस्स णत्थि केइ उच्चारे वा पासवणे वा तं छदेणं तुम देवाणुप्पिया!एगंते अवक्कमित्ता उच्चारपासवणं परिढवेति, तते णं से धण्णे सत्यवाहे विजएणं तकरणं एवं वुत्ते समाणे तुसिणीए संचिट्ठति, तते णं से धण्णे सत्थवाहे मुहत्तंतरस्स बलियतरागं उच्चारपासवणेणं उच्चाहिज्जमाणे विजयं तकरं एवं वदासी-एहि ताव विजया! जाव अवकमामो, तते णं से विजए धणं सत्थवाहं एवं वदासी-जइ णं तुमं देवाणुप्पिया! ततो विपुलाओअसण० ४ संविभागं करेहि ततोऽहं तुमेहिं सद्धिं एगंतं अवकमामि, तते णं से धण्णे सत्यवाहे विजयं एवं वदासी-अहन्नं तुम्भं ततो विपुलाओ असण०४ संविभागं करिस्सामि, तते णं से विजए धण्णस्स सत्थवाहस्स एयमढें पडिमुणेति, तते णं से
Jain Education International
For Personal & Private Use Only
www.jainelibrary.org
