________________
ज्ञाताधर्मकथाङ्गम.
२ संघाटज्ञाते विजयस्य बन्धः
॥८६॥
रणं करेंति २ बहई लोतियातिं मयगकिचाई करेंति २ केणइ कालंतरेणं अवगयसोए जाए यावि होत्था । (सूत्रं ३९)। तते णं से धण्णे सत्यवाहे अन्नया कयाइं लहसयंसि रायावराहसि संपलत्ते जाए यावि होत्था, तते णं ते नगरगुत्तिया धणं सत्थवाहं गेण्हंति २ जेणेव चारगे तेणेव उवागच्छंति २ चारगं अणुपवेसंति २ विजएणं तकरणं सद्धिं एगयओ हडिबंधणं करेंति । तते णं सा भद्दा भारिया कल्लं जाव जलंते विपुलं असणं ४ उवक्खडेति २ भोयणपिंडए करेति २ भोयणाई पक्खिवति लंछियमुद्दियं करेइ २ एगं च सुरभिवारिपडिपुन्नं दगवारयं करेति २ पंथयं दासचेडं सदावेति २ एवं वदासी-गच्छ णं तुम देवाणुप्पिया! इमं विपुलं असणं ४ गहाय चारगसालाए धण्णस्स सत्थवाहस्स उवणेहि,तते णं से पंथए भदाए सत्थवाहीए एवं वुत्ते समाणे हद्दतुढे तं भोयणपिंडयं तं च सुरभिवरवारिपडिपुन्नं दगवारयं गेण्हति २ सयाओ गिहाओ पडिनिक्खमति २रायगिहे नगरे मज्झमज्झेणं जेणेव चारगसाला जेणेव धन्ने सत्थवाहे तेणेव उवागच्छति २ भोयणपिडयं ठावेति २ उल्लंछति २त्ता भायणाई गेण्हति २ भायणाई घोवेति २ हत्थसोयं दलयति २ धण्णं सत्थवाहं तेणं विपुलेणं असण. ४ परिवेसति, तते णं से विजए तक्करे धणं सत्यवाहं एवं वदासी-तुमण्णं देवाणुप्पिया! मम एयाओ विपुलातो असण. ४ संविभागं करेहि, तते णं से धणे सत्थवाहे विजयं तकरं एवं वदासी-अवि याई अहं विजया! एवं विपुलं असणं ४ कायाणं वा सुणगाणं वा दलएज्जा उकुरुडियाए वा णं छड्डेजा नो चेव णं तव पुत्तघायगस्स पुत्तमार
विजयतस्करसंविभागः सू. ४०
॥८६॥
Jain Education International
For Personal & Private Use Only
www.jainelibrary.org
