________________
Jain Education International
धणं सत्थवाह आपुच्छित्ता घण्णेण सत्थवाहेण अन्भणुन्नाया समाणी सुबद्धं विपुलं असणपाणातिमसातिम उवक्खडावेत्ता सुबहुं पुप्फवत्थगंध मल्लालंकारं गहाय बहूहिं मित्तनालिनियगसयणसंबंधिपरिजण महिलाहिं सद्धिं संपरिवुडा जाई इमाई रायगिहस्स नगरस्स बहिया णागाणि य भूयाणि य जक्खाणि य इंदाणि खंदाणि य रुद्दाणि य सेवाणि य वेसमणाणि य तत्थ णं बहूणं नागपडिमाण य जाव बेसमयपरिमाण य महरिहं पुष्पचणियं करेत्ता जाणुपायपडियाए एवं वइत्तए - जइ णं अहं देवाणुप्पिया ! दारनं वा दारिगं वा पयायामि तो णं अहं तुभं जायं च दायं च भायं च अक्खयणिहिं च अणुवडेमित्ति कट्टु उबातियं उवाइत्तए, एवं संपेहेति २ कल्लं जाव जलते जेणामेव धण्णे सत्थवाहे तेणामेव उवागच्छति उवागच्छिता एवं वदासी एवं खलु अहं देवाणुप्पिया ! तुन्भेहिं सद्धिं बहूहं वासातिं जाव देंति समुल्लावए सुमहुरे पुणो २ मंजुलप्पभणिते तण्णं अहं अहन्ना अपुन्ना अकयलक्खणा एतो एगमवि न पत्ता, तं इच्छामि णं देवाणुप्पिया! तुन्भेहिं अन्भणुन्नाता समाणी विपुलं असणं ४ जाव अणुवडेमि उवाइयं करेत्तए, तते णं घण्णे सत्थवाहे भद्दं भारियं एवं वदासी -ममंपि य णं खलु देवाणुप्पिए । एस चेव मणोरहे - कहं णं तुमं दारगं दारियं वा पयाएजसि ?, भद्दाए सत्थवाहीए एयमट्टमणुजाणति, तते गं सा भद्दा सत्थवाही धणेणं सत्थवाहेणं अन्भणुन्नाता समाणी हट्टतुट्ठ जाव हयहियया विपुलं असणपाणखातिमसातिमं उवक्खड़ावेति २ ता सुबहु पुप्फगंधवत्थमल्लालंकारं गेण्हति २ सयाओ गिहाओ
For Personal & Private Use Only
wwww.jainelibrary.org
