________________
थेराणं अंतिए सामाइयमाइयाति एक्कारस अंगाति अहिज्जति २ बारस भिक्खुपडिमाओ गुणरयणसंवच्छरं तवोकम्मं काएणं फासेत्ता जाव किद्देत्ता मए अब्भणुनाए समाणे गोयमाइ थेरे खामेइ २ तहारूवेहिं जाव विउलं पत्वयं दुरूहति २ दब्भसंथारगं संथरति २ दन्भसंथारोवगए सयमेव पंच महत्वए उच्चारेइ बारस वासातिं सामण्णपरिगायं पाउणित्ता मासियाए संलेहणाए अप्पाणं झूसित्ता सहि भत्तातिं अणसणाए छेदेत्ता आलोइयपडिक्वंते उद्धियसल्ले समाहिपत्ते कालमासे कालं किच्चा उद्धं चंदिमसूरगहगणणक्खत्ततारारूवाणं बहूइंजोयणाई बहूई जोयणसयाइंबहूइंजोयणसहस्साई बहुई जोयणसयसहस्साई बहूइ जोयणकोडीओ बहुइ जोअणकोडाकोडीओ उहुं दूरं उप्पइत्ता सोहंमीसाणसणंकुमारमाहिंदबंभलंतगमहामुक्कसहस्साराणयपाणयारणच्चुते तिण्णि य अट्ठारसुत्तरे गेवेज्जविमाणावाससए वीहवइत्ता विजए महाविमाणे देवत्ताए उववण्णे, तत्थ णं अत्थेगइयाणं देवाणं तेत्तीसं सागारोवमाई ठिई पण्णत्ता, तत्थ णं मेहस्सवि देवस्स तेत्तीसं सागरोवमातिं ठिती पं०, एस णं भंते ! मेहे देवे ताओ देवलोयाओ आउक्खएणं ठितिक्खएणं भवक्खएणं अणंतरं चयं चइत्ता कहिं गच्छिहिति कहिं उववजिहिति', गो०! महाविदेहे वासे सिज्झिहिति बुज्झिहिति मुच्चिहिति परिनिवाहिति सव्वदुक्खाणमंतं काहिति। एवं खलु जंबू !समणेणं भगवया महावीरेणं आइगरेणं तित्थगरेणं जाव संपत्तेणं अप्पोपालंभनिमित्तं पढमस्स नायज्झयणस्स अयमढे पन्नत्ते त्तिबेमि (सूत्रं ३१) पढमं अज्झयणं समत्तं ।
Jain Education International
For Personal & Private Use Only
www.jainelibrary.org
