________________
समाणे हट्ट जाव हियए उट्ठाइ उढे २त्ता समणं ३ तिक्खुत्तो आयाहिणं पयाहिणं करेइ २त्ता वंदइ नमंसइ २त्ता सयमेव पंच महत्वयाई आरुभेइ २त्ता गोयमाति समणे निग्गंथे निग्गंधीओ य खामेति खामेत्ता य तहारूवेहिं कडाई हिं थेरेहिं सद्धिं विपुलं पवयं सणियं २ दुरूहति २ सयमेव मेहघणसन्निगासं पुढविसिलापट्टयं पडिलेहति २ उच्चारपासवणभूमिं पडलेहति २दब्भसंथारगं संथरति २दन्भसंथारगं दुरूहति २ पुरत्थाभिमुहे संपलियंकनिसन्ने करयलपरिग्गहियं सिरसावत्तं मत्थए अंजलिं कट्ट एवं वदासीनमोऽत्थु णं अरिहंताणं भगवंताणं जाव संपत्ताणं,णमोत्थु णं समणस्स भगवओ महावीरस्स जाव संपाविउकामस्स मम धम्मायरियस्स, वंदामि णं भगवंतं तत्थगयं इहगए पासउ मे भगवंतत्थगते इहगतंतिकट्ठ वंदति नमंसह २त्ता एवं वदासी-पुचिंपिय णं मए समणस्स ३ अंतिए सवे पाणाइवाए पच्चक्खाए मुसावाए अदिन्नादाणे मेहुणे परिग्गहे कोहे माणे माया लोभे पेजे दोसे कलहे अब्भक्खाणे पेसुन्ने परपरिवाए अरतिरति मायामोसे मिच्छादसणसल्ले पचक्खाते, इयाणिंपिणं अहं तस्सेव अंतिए सवं पाणातिवायं पञ्चक्खामि जाव मिच्छादसणसल्लं पच्चक्खामि, सवं असणपाणखादिमसातिमं चउविहंपि आहारं पञ्चक्खामि जावज्जीवाए, जंपि य इमं सरीरं इ8 कंतं पियं जाव विविहा रोगायंका परीसहोवसग्गा फुसंतीतिकट्ठ एयंपिय णं चरमेहिं ऊसासनिस्सासेहिं वोसिरामित्तिकटु संलेहणाझुसणाझूसिए भत्तपाणपडियाइक्खिए पाओवगए कालं अणवकंखमाणे विहरति, तते णं ते थेरा भगवंतो मेहस्स अणगा
dain Education International
For Personal & Private Use Only
www.janelibrary.org
