Page Text
________________
ki कहाकहओ पाडलओ नाम, सो अण्णया गंगं उत्तरंतो उवरिट्ठोदएण हीरइ, तं पासिऊण जणो भणइ-बहुस्सुयं चित्तकह, गंगा बहइ पाडलं । बुज्झमाणय भई नवपदवृत्तिःमू.देव.
ते, लव किंचि सुभासियं ।।१।। तेण भणियं-जेण रोहंति बीयाणि, जेण जीवंति कासया । तस्स मज्झे विवज्जामि, जायं सरणओ भयं ॥२॥ वो अइवियक्खणोऽसि दारयत्ति भणंतेण सोऽवि तहच्चिय मुसिओ, एस आउक्काओ बीओ २ ॥ इयाणिं तेउक्कायदारओ तइओ, तहेव अक्खाणयं कहेइ-एगस्स ॥६७||
तावसस्स अग्गिणा उडओ दड्ढो, पच्छा सो भणइ-'जमहं दिया य राओ य, तप्पेमि महुसप्पिसा । तेण मे उडओ दनो, जायं सरणओ भयं ॥॥ अहवा-वग्घस्स मए भएण, पावओ सरणं कओ। तेण अंगं ममं दर्द, जायं सरणओ भयं ॥२॥' अइसयाणोऽसि वच्छगत्ति भणंतेणं सोऽवि मुसिओ, एस तेउक्काओ३ ।। इयाणिं वाउक्कायदारओ, सोऽवि तहेव अक्खाणयं कहेइ-जहा एगो जुवाणओ घणनिचियसरीरो आसि, सो पच्छा वाएण गहिओ, अण्णेण भणइ- लंघणपवणसमत्यो, पुट्विं होऊण संपयं कीस ?। दडगहियग्गहत्थो, वयंस ! किनामओ वाही ? ॥१॥ तेण भण्णइ-जेठ्ठासाढेसु | मासेसु, जो सुहो वाइ मारुओ। तेण मे भज्जए अंगं, जायं सरणओ भयं ॥२॥ अहवा-जेण जीवंति सत्ताई, निरोहंमि अणंतए । तेण मे
भज्जए अंग, जायं सरणओ भयं ॥३॥ अइविसारओऽसि सुंदरत्ति भणंतो तस्सवि तहेव गेण्हइ, एस वाउक्काओ गओ ४ । इयाणि वणस्सइकायदारओ पंचमो, तहेव अक्खाणयं कहेइ, जहा-एगंमि रुक्खे केसिपि सउणाणं आवासो, तहिं च णं तेसि पिल्लगाणि जायाणि, पच्छा रुक्खब्भासाओ वल्ली उट्ठियां रुक्खं वेढंती उवरिं लग्गा, तयणुसारेण अण्णया सप्पेणारूहिऊण ते पिल्लगा खइया, पच्छा सेसगा भणंति-'जाव वुत्यं, सुहं वुत्थं, पायवे निरुवद्दवे । मूलाओ उठ्ठिया वल्ली, जायं सरणओ भयं ॥१॥' अइमेहावंतोसि पुत्तयत्ति भणंतो तस्सवि तहेव गिण्हइ, एस वणस्सइकाओ ५ ॥ इयाणिं | तसकायदारओ छट्ठो, सोऽवि पारद्धो तहेव अक्खाणयाई कहेइ, जहा एगं नयरं परचक्केण रोहियं, तत्थ बाहिरनिवासिणो मायंगा ते नगरमज्झाओ नागरएहिं
निच्छुभंति, बाहिं परचक्केण घेप्पति, पच्छा केणइ भण्णइ-'अब्भितरया खुहिया, पेल्लंती बाहिरा जणा । दिसं वयह मायंगा!, जायं सरणओ k भयं ॥१॥' अहवा-एगत्थ नगरे सयमेव राया चोरो पुरोहिओ य भंडेइ, तओ दोवि हरंति, पच्छा लोओ तं वइयरं मुणिऊण अण्णमण्णं भणइ-'जस्थ राया
सयं चोरो, भंडिओ य पुरोहिओ। दिसं वयह नागरया, जायं सरणओ भयं ॥१॥ अहवा एगंमि नयरे चोद्दसविज्जाठाणपारगतो छक्कम्मनिरओ सोमदेवो नाम दियवरो, सोमसिरी भारिया, तीए परितुलियरतिरुवजोव्वणलायन्नकलाकलावा सोमप्पभा णाम कण्णगा, संपत्तजोव्वणा य पलोइया जणएण,
जायाणुराओ, तीए विरहे खिज्जतं दठूण निब्बंधे भारियाएं पुढेण साहिओ निययाभिप्पाओ, अव्वो मा मयणसरगोयरावडिओ खयं वच्चउत्ति भावेंतीए Jain Educa B ernational
W
॥७॥
For Personal & Private Use Only
ibrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |