Page Text
________________
नवपद
पायवडणुट्ठियाओ य नरवइस्स उवविट्ठा पिउसमीवे, भणिया जखिणी मंतिणा वच्छे ! जमेवंविहवण्णत्थोववेयं सिलोगट्ठसयं अज्ज वररुइणा पढियं तं वृत्ति:मू.देव.
तुह एइ ?, तीए भणियं-आम, तो खाइ सुणावेसु रायाणं, तओ अक्खलियललियवाणीए सुणावियो राया, जक्खदिण्णाए दोण्णि परिवाडीओ जायाओ, KA व. यशोतओ सावि तहेव भणिया अमच्चेण, तीएवि तहेव सुणाविओ ताव जाव सत्तहिवित्ति, तओ रुद्रुण राइणा वररुइस्स दाणं वारियं, पच्छा सो ते दीणारे ॥६३॥ KA रत्तीए गंगाए नईए जंतेण धरिउं पहाए सयललोयपच्चक्खं गंगं थोऊण पाएण जंतमक्कमिऊण उच्छलिए दीणारे गंगा देइत्ति भणिऊणं तो गेण्हइ, K&
तहाविहपवंचेण कओ सयलोवि लोओ हयहियओ, कालंतरे य निसुयं राइणा, तओ भणिओ सयडालो-जइ लोइयकव्वाणि पढइ वररुई तो कहं गंगा तुट्ठा दीणारे से देइ ?, तओ पढियं मंतिणा- “आडंबरस्स पाओ, पाओ डंभस्स विज्जया पाओ। गलगज्जियस्स पाओ, हिंडइ धुत्तो चउप्पाओ | ॥१॥" राइणा भणियं-जइ एवं तो किमेस सव्वोऽपि जणो तग्गुणगहणवावडो अणवरयं चिट्ठइ?, मंतिणा भणियं-देव ! अविण्णायपरमत्थो जणो, जइ | पुण न एवं तो तत्थेव गंतुं पेच्छामो कोउयंति, तओ तमत्थं पडिवज्जिऊण राइणा भणियं-पभाए चेव गमिस्सामो, एवं कीरउत्ति भणिऊण उढिओ मंती, गओ नियगेहं, वियालवेलाए आइट्ठो पच्चइयपुरिसो, जहा-गंतूण गंगाए अलक्खिओ अच्छिऊण जं किंचि वररुई ठवेइ तं आणेज्जसुत्ति, तेणवि संपाडियं । जहाइ8 मंतिणो, पहाया रयणी, कयगोसकायव्वो गओ मंती राउलं, रायवि समं मंतिणा गओ तइंसणत्थं, गंगं थुणंतो दिट्ठो वररुई, थए निव्वत्ते मग्गिउं । पयट्टो जंतं पाएण हत्थेण य, णत्थि, तओ विलक्खो जाओ, एत्यंतरंमि सयडालेणं जइ गंगा न देइ तो अहं देमि गिण्हसुत्ति भणिऊण कड्डिया दीणारपोत्ती, दंसिऊण राइणो समप्पिया तस्स, सोऽवि ओहामणाए नियमुहं दंसिउमपारयंतो नीहरिओ तट्ठाणाओ, पओसमावण्णो मंतिणो उवरि, छिड्डाणि से मग्गइ, । पयट्टो तस्स दासिं ओलग्गिउं, तीसे सयासे पुच्छइ निच्चमेव तग्गिहवइयरं, सावि मुद्धयाए सव्वं कहेइ, अण्णया सिरियस्स विवाहूसवे रण्णो ढोइयव्वंति |
बुद्धीए तग्गेहे आओगो सज्जिज्जइ, तओ तीए साहियं वररुइणो, तेणवि लद्धं छिदंति चितियं, तेण चेडरूवाणि मोयगेहि उवयरिऊणाढत्ताणि पढावेडे, | “एहु लोउ नवि जाणई जं सयडालु करेसइ । राय नंदु मारेविउ सिरियउ रज्जि ठवेसइ ॥१॥" तं च परंपराए सुयं राइणा, परिक्खावियं
पच्चइयपुरिसेण मंतिगिहं जाव दिट्ठाई आओगाई सज्जिज्जमाणाई, तओ कुविओ राया, आगओ सयडालो, जत्तो २ सयडालो पाएसु पडइ तत्तो २ | परम्मुहो ठाइ राया, ताहे गओ घरं मंती, तया य सिरिओ नंदस्स पडिहारो, सो हक्कारिऊण भणिओ-वच्छ ! राया तेण धिज्जाइएण वुग्गाहिओ अम्होवरि, ॥३॥ KA तो जाव कुलक्खयं न करेइ ताव कुलरक्खानिमित्तं तुमं रण्णो पायपडियं ममं मारेसु, सो नेच्छइ, सयडालो भणइ-अहं तालउडं विसं भक्खिहामि
KOS Jain Education national
For Personas Private Use Only
www.jainelibrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |