Page Text
________________
नवपदवृत्ति: मू. देव. वृ. यशो
॥३७॥
सव्वे सुक्खत्थिणो जणा एत्थं । तं पुण न अत्थि कत्थवि धम्मविहूणाण जंतूणं ॥ ८० ॥ नारयतिरियनरामरभेएण चउव्विहावि जेण जिया । दुक्खोवद्दुदेहा सुकविहूणा परियडंति ॥८१॥ तथाहि अणवरयं पच्चंता तत्तकवल्लीसु तिव्वदुक्खत्ता । किं पाउणंति सत्ता सोक्खं नरयंमि संपत्ता ? ॥ ८२ ॥ तिरियावि छुहपिवाासादहणंकणताडणाइदुहवासा । सुहिणो कत्थ हयासा अइभारारोवघणसासा ? ॥ ८३ ॥ जरमरणरोगनिट्ठप्प - ओगसोगाइदुक्खतविएहिं । मणुएहिवि सुहवत्ता दूरंदूरेण परिचत्ता ॥ ८४॥ | ईसाविसायवय (चव) णाइमाणसुमहिड्डिवइरिविहियाणं । देवा णवि देवलोए दुक्खाणवि पाविआ अंतं ॥ ८५ ॥ ता भो महाणुभावा ! जइ सच्चं चिय सुहत्थिणो तुब्भे । ता सेविऊण धम्मं अइरा दुक्खक्खयं कुणह ॥ ८६ ॥ जओ-जो दुग्गइगमणाओ निवारओ धारओ य सुहठाणे । सो धम्मो नाणदंसणचरणआराहणारूवो ॥ ८७॥ दंसणनाणचरिते सुपवित्ते सयलदोसपरिचत्ते । भावेण जे निसेविंति जंति ते झत्ति परमपयं ॥८८॥ जत्थ न जरा न मच्चू न वाहिणो नेय परिभवो न भयं । तं भण्णइ परमपयं सासयसोक्खं निराबाहं ॥। ८९ ।। इय एवमाइधम्मं सोऊणं वि भवविरत्तणा । सव्वविरई पवन्ना अण्णे उण देसविरयंति ।। ९० ।। तइया य छट्ठखमणाउ पारणट्ठाऍ निग्गओ भिक्खं । नयरंमि परियडंतो गोयमसामी सुइ वत्तं ॥ ९१ ॥ सिवरायरिसी एवं अइसयणाणेण पासिउं भणइ । अस्सि लोए दीवा सत्त समुद्दा य सत्तेव ॥ ९२ ।। तेण परं वोच्छिण्णा न संति दीवा व सागरा वावि । एवं सोउं गोयमसामी संकाउरो जाओ ।। ९३ ।। तो गहियभत्तपाणो आगंतूणं विहीऍ भुंजित्ता । परिसाए मज्झगयं सामि विणओणओ भण ।। ९४ ।। जणं सिवरायरिसी दीवसमुद्दाण संखविसयंमि । लोयस्स पुरो जंपइ तं सच्चं अहव मिच्छन्ति ॥ ९५ ॥ सविसेसं उवउत्ता जाया एत्यंतरंमि सा परिसा । चिंता य सुट्ठपुट्ठे अम्हवि चित्तठ्ठियं एयं ॥ ९६ ॥ एवं पुट्ठो सामी पभणइ गंभीरमहुरवायाए। सिवरायरिसी गोयम ! विभंगनाणी भणइ मिच्छा ॥९७॥ जंबुद्दीवाइया दीवा लवणाइया समुद्दा य । होति असंखा जम्हा दुगुणा दुगुणा । तिरियलोए ।। ९८ ।। तं सोउ परिसाए सिवरायरिसिस्स साहियं सव्वं । सोवि तहा कुणइ तहिं संकं कखं विगिच्छं च ॥ ९९ ॥ मिच्छत्तस्सऽइयारे, वट्टंतस्स य विभंगणाणं तं । परिवडियं नवि पेच्छइ किंचिवि दिट्ठिप्हाईयं ।। १०० ।। तो चिंतिउं पयत्तो पुव्वमहं सव्वमेव पासंतो । इण्हि किंपि न पासामि कारणं किंचि ता होज्जा ॥ १०१ ॥ अहवा अइसयनाणि, तमेव गंतूण वंदिऊण तहा । पुच्छामि सव्वमेयं इय चिंतिय जाइ जिणपासं ॥ १०२ ॥ वंदित्ता आपुच्छइ जं जं सामीवि कहइ सेसं तं । तो पडिबुद्धो चिंतइ सव्वन्न णिच्छएणेसो ॥ १०३॥ इय चिंतिऊण विणयावबद्धसीसंजली भणइ णाह! काउं महापसायं नियदक्खं मज्झ वियरेसु || १०४ ।। अण्णाणपासणं छलिओऽहं णाह ! एत्तियं कालं । तेण न नाओ तं सामि ! सयलतेलोक्कपयडोऽवि ॥ १०५ ॥ इय एवं पभणेंतो स दिक्खिओ सामिणा नियकरेण ।
Jain Education International
For Personal & Private Use Only
॥॥३७॥
www.jainelibrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |