Page Text
________________
नवपद
वृत्ति: मू. देव. वृ. यशो
॥ २४॥
तहा विंझ ! निसुणेसु ||१०|| अण्णोऽण्णाणुगयाणिवि उवायओ जेण खीरनीराणि । जायंति पुढो तम्हा हेउअगंतया ताव || ११|| जा उ पइण्णा साऽविहु पच्चक्खविरोहिणी जओ जीवो । मरणसमयमि दीसइ आऊकम्मेण मुच्चतो ॥ १२ ॥ दिट्टंतोऽवि न साहणधम्माणुगओ जओ न कम्मव्व। जीवाउ सप्पएसो भिन्नो आगंतुओ होइ ॥ १३ ॥ जं च पलत्तं जीवो, पुट्ठो कम्मेण कंचुएणव्व । तंपि न जुत्तं जम्हा वेइज्जइ वेयणा मज्झे || १४ || सा य न पावइ तम्हि अभावओ तन्निमित्तकम्मस्स । सिद्धस्स व तो पयडो समागओ अणुभवविरोहो || १५ || इय एवमाइ दोसे सुणिउं विंझो य माहिलं भणइ । अवियारियरमणीओ तुह पक्खो सव्वहा एसो || १६ || तो तुहिक्को थक्को चिंततो ताव हुज्ज उ समग्गं । पुव्वं नवमं पच्छा खोडीहामो पुणोवि इमं ||१७|| अन्नया नवमपुव्वे साहूण पच्चक्खाणाहिगारे-पाणाइवायं पच्चक्खामि जावज्जीवाए इच्चाइ सोऊण गोट्ठामाहिलो भणइ-पच्चक्खाणं सेयं अप्परिमाणेण होइ कायव्वं । जेसि तु परीमाणं तं
मिथ्यात्वे गोष्ठामाहि
लवृत
१०
आसा हो ॥ १८ ॥ एवं पण्णविन्तो य विंझेण भणिओ-न जुत्तमेयं जं तुमं भणसि, तओ तेण जं नवमपुव्वस्स अवसेसं तं सम्मत्तंति चिंतिऊण भणिओ विंझो किं ताव तुमं भणसि ?, जो तुज्झ वक्खाणेइ पूसमित्तो सो चेव भणउ, एवं वोत्तुं उट्ठओ तट्ठाणाओ, गओ आयरियसयासं, भणियं च तेण जह अज्जरक्खिएहिं वक्खाय तह न किं परूवेसि ? । सुयमयमत्तो होउं मा सुत्तासायणं कुणसु ॥ १९ ॥ भणिओ य निययपक्खो सूरिसयासमि सूरिणाऽवि तओ भणिओ न जुत्तिजुत्तो तुह पक्खो जह तहा सुसु ॥ २० ॥ जं ताव तए भणियं जावज्जीवंति सप्परीमाणं । पच्चक्खाणमजुत्तं आसंसादोसओ तं न ॥ २१ ॥ कयपच्चक्खाणाणं नासंसा तत्थ किंतु देवते । मा होज्जा वयभंगो मुणीण कालावही तेणं ॥ २२ ॥ अप्परिमाणे उ कए हवंति वयभंगमाइया दोसा । ता अभिणिवेसमहुण मुंचसु पडिवज्ज मह वयणं ||२३|| एवं भणिओ मन्त्रइ न जाव ता अन्नगच्छथेरावि । पुट्ठा तत्तियमेत्तं वयंति तो भणइ सो रुठो || २४|| किं तुब्भे भो ! जाणह सव्वेऽविहु जेण भयवया एवं । तित्थयरेण पणीयं भणंति तो तेऽवि तस्समुहं ॥ २५ ॥ मा आसायसु माहिल ! तित्थयरं तहवि जाव नो ठाइ । ताहे संघेण कओ काउस्सग्गो समग्गेणं ॥ २६ ॥ आसणकंपुष्पिच्छा, समागया देवया भणइ संघ । संदिसह किं करेमि ? संघो तो देवयं भणइ ॥ २७॥ वच्चसु महाविदेहं, तित्थयरं पुच्छिऊण एसु दुयं । किं सम्मवाइ संघो दुब्बलिया समित्ताई ? ॥ २८ ॥ किंवा गोट्ठामहिलो सा जंपर देहऽणुग्गहं मज्झ । काउस्सग्गं गमणापडघायथं तओ संघो ।। २९ ।। तह चेव ठिओ सव्वो काउस्सग्गेण सा उ तित्थयरं । संपुच्छिऊण पुणरवि समागया संघपासंमि ॥ ३०॥ वेइ जह सम्मवाई संघो इयरो य अलियवाई य । भरहस्खेत्ते जम्हा सत्तमओ निण्हवो एस ||३१|| तो जंपइ सो रुट्ठो कत्तो कडपूयणाएँ एयाए । तित्थयरपायमूलं गंतुं सामत्थमत्थि अहो ? ||३२|| ताहे संघेण कओ सो वज्झो एवमभिनिवेसेणं । मिच्छत्तमेस पत्तो अपडिक्कंतो य कांलगओ ||३३||
।।। २४ ।।
For Personal & Private Use Only
Jain Educaternational
elibrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |