Page Text
________________
नवपदवृत्तिःमू.देव.
वृ. यशो . ॥२०॥
मिथ्यात्वे गोष्ठामाहि लवृतं १०
सज्झायममुंचमाणो आहारेइ, तओ रत्ति दिया य परिवत्तंतस्स तस्सेसो वराहारो महोवयारोव्व खलयणे न नज्जइ कत्थवि वच्चइ, ताहे बंधुवग्गेण निविण्णेण साहियं गुरूण, गुरूहि भणिय-इण्हि जं वा तं वा देह, सोऽवि भणिओ-इण्हि न सुट्ठ सुयपरिवत्तणायरो कायव्वो, तहाकए थोवदिवसेहिं चेव सो बलिठो संपन्नो, तओ तेसि भावेण परिणयं गुरुवयणं, कया विसेसेण धम्मदेसणा, जायाणि सावगाणि ३। तम्मि य गच्छे विसेसगुणिणो चत्तारि मुणिणो, एक्को सो चेव दुबलियपूसमित्तो, अण्णो पुव्वभणिओ फग्गुरक्खिओ, तइओ विझो, चउत्थओ आयरियाण चेव मामगो गोठामाहिलो, तत्थ य विझो महामेहावित्तणओ कमेण सुत्तपरिवाडीए सुत्तं लहतो झूरेइ, तओ आयरिए विनवेइ-मज्झ कंचि वायणायरियं पयच्छह, तेहिपि दुब्बलियपूसमित्तो से वायणायरिओ दिण्णो, कइवय दिणाणि विझस्स वायणं दाउण गुरुं भणइ-भयवं ! मम वायणं दितस्स सेससुयमगुणिज्जमाणं न ठाइ, तओ-जं सन्नायगगेहे मुक्कं जं संपयं च न गुणेमि । तेण समत्तंपि सुयं गलिही मम करयलजलं व ॥१॥ तओ चितियं गुरूहि-सुरगुरुसमबुद्धिस्सवि निच्च झरंतस्स जइ सुयमिमस्स । हंत विणस्सइ (ऽसइ) ता का गणणा सेसपुरिसेसु ? ॥१॥ अइसयकओवओगेण य नायं, जहा-इओपभिइ सुयमेघाधारणाइपरिहीणे सीसे होहिंति, तओ तेसि अणुग्गहठं चउरोऽवि अगुओगे वीसुं कासी, भणियं च-"जावंति अज्जवइरा अपुहुत्तं कालियाणुओगस्स । तेणारेण पुहुत्तं कालियसुय दिट्ठिवाए य ॥१॥ देविंदवंदिएहिं महाणुभावेहि रक्खियज्जेहिं । जुगमासज्ज विहत्तो अणुओगो तो कओ चउहा ॥२॥ कालियसुयं च इसिभासियाई तइया य सूरपण्णत्ती । सव्वोऽवि दिठिवाओ चउत्थओ होइ अणूओगो ॥३॥" देविंदवंदियत्तं च जहा तेसि तहा साहिज्जइ-"ते कइयवि संपत्ता विहरंता गामनगरमाईसु । महराउरि समिद्धं भूयगुहाचेइयं तत्थ ॥१॥ तंमि ठिया भयवंतो इओ य सोहम्मसुरवई पत्तो । खेत्ते महाविदेहे, सीमंधरसामिपासंमि ॥२॥ अभिवंदिऊण पुच्छइ तिस्थयरं सामि ! केरिसा एत्थ । हुंति निओया जीवा वागरिया भयवया तेउ ॥३॥ ताहे पुणोऽवि पुच्छइ भरहे वासंमि अस्थि पुण कोई। एए निओयजीवे जो साहइ पुच्छिओ संतो ॥४॥ तित्थयरेणं भणियं संति तहिं अज्जरक्खिया सूरी । तो सो माहणरूवेण आगओ ताण पासंमि ।।५।। गोयरचरियाए विणिग्गएसु साहूसु थेररूवेणं । अभिवंदिऊण पभणइ-महल्लवाही मह सरीरे ॥६॥ तो कत्तियं ममाउं कहेह काऊण अणसणं जेण । मुंचामि इमे पाणे निविण्णो जीवियवाओ॥७॥ तं सोउं उवउत्ता जाया सूरी तओ य वाससयं । नाऊण समहियं से चिंतंति न भारहो एसो॥८॥
18VII२०॥
Jain Educ
r emational
For Persona 5 Private Use Only
1albrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |