Page Text
________________
नवपदवृत्ति:मू.देव. वृ. यशो ॥१६॥
तेण समं पविसिऊण तइंसियविहिणा सूरिणो वंदामि, तत्थ एगो ढट्टरसरो सावओ कयसरीरचितो दिट्ठो साहुसयासमितो, संपुण्णो मे मणोरहत्ति चितंतो लग्गो | अभिनिवेशे तस्स पट्ठीए, सावएणऽवि महया सद्देण साहुउवस्सयं पविसमाणेण कयाओ तिण्णि निसीहियाओ, तेणवि अणु कयाओ, ताहे तहेव ढट्टरसरेण इरियावहियाए गोष्ठामाहि पडिक्कमणाइयं करेइ, सोऽवि अइमेहावित्तणओ सव्वमणुकरेइ ताव जाव साहूर्ण वंदणं दिनं, न वंदिओ सावओ, तओ आयरिएहिं नायं-एस नवल्लसड्डोत्ति, लोदाहरणं पच्छा पुच्छिओ य-कइया सावग ! पत्तो अचिंतचिंतामणी इमो धम्मो? । कत्तो? इयरेण भणियं अज्जमिमाओ सुसढाओ॥१॥" जओ भणियं-"नेहाणुरागसब्भावविणयसत्तीहि जे न गिण्हंति । गुरुणो ताण न सिज्झइ समीहियं पावकम्माणं ॥१॥" एत्थंतरमि पासट्ठियसाहूहिं साहियं सूरीण-जहा एस सो रुद्दसोमाए सावियाए पुत्तो-जो कल्लं नरवइणा नयरंमि पवेसिओ विभूईए । हस्थिक्खंधारूढो गिज्जतो मंगलसएहि ।।१।। तओ सयं चेव आगमणकारणं साहियं चेव गुरूणं, आयरिएहि भणियं-जइ पव्वज्ज गेण्हसि अम्ह सयासे दढव्वओ होउं । ता दिट्ठिवायलाभो पडिवाडीए तुहं होही ॥१।। तेणवि भणियं सज्जो पव्वज्जाए अहं मुणिवरिंद ! । किंतु नरिंदाईओ सव्वो लोगो ममणुरत्तो ।।१।। मा पव्वज्जाविग्धं काही ता देसि गंतुमन्नत्थ । जइ तमहिज्जामि तओ कमेणऽहं दिट्टिवायंपि ।।२।। जिणपवयणगयणससी होही एसोत्ति चिंतिउं गुरुणा । दिण्णा से पव्वज्जा विहिणा अन्नत्थ नेऊण ।।३।। एसो य महावीरतित्थंमि साहूणं सीसयोरियाववहारो पढमो पवत्तो, तओ थोवकालेणं चिय गहियदुविहसिक्खेण अहिज्जियाणि एक्कारस अंगाणि, जेत्ति य दिट्ठिवाओ तोसलिपुत्ताणं सोऽवि गहिओ, तंमि य काले जुगप्पहाणा अज्जवइरा, ताणं दिट्ठिवाओ बहुओ अस्थि, ते य तया पुरीए चिटुंति, तओ तत्थ पढणत्थं साहुसहिओ वइरस्सामिसगासं पेसिओ अज्जरक्खिओ गुरूहि, कमेण य पत्तो उज्जेणिं, तत्थ दिट्ठा भद्दगुत्तथेरा, वंदिया सविणयं, साहिओ निययत्ततो, तेहि य-“तं धन्नोऽसि महायस ! तए विढत्ता सुनिम्मला कित्ती । जो एवं जिणदिक्खं गहिउं उज्जमसि सव्वस्थ ॥१॥' एवमाइ उववूहिऊण भणिओ-जहाऽहमियाणिं संलिहियसरीरो अणसणं काउकामो, न य मम कोइ निज्जमगो अस्थि, ता तुमं चेव मं निज्जामिऊण वच्चसु, तेणवि तहत्तिकाउमब्भुवगयं, कालं करतेहि य तेहिं समाइट्ठ-अज्जवइरेहि समं मा एगाए वसहीए चिट्ठज्ज, वीसुं ठिओ तेहिं अच्छित्ता पढिज्ज, जओ तेसि समं जो सोवक्कमाउओ एगपि रयणिं वसइ सो तेहिं समं कालं करेइ, तए य पवयणाहारेण होयव्वंति, तओ तमढे पडिसुणिऊण गएसु देवलोगं भद्दगुत्तेसु अज्जरक्खिओ गओ वइरसामिसयासं, ठिओ भिण्णोवस्सए, इओ य अज्जवयरेहिं तीए चेव ॥ रयणीए चरिमजामे अम्हं खीरपडिपुण्णपडिग्गहो आगंतुएण केणावि परिपीओ, नवरं किंचिमित्तं ठियंति सुमिणं पासिऊण विउद्धेहि साहियं साहूण, तेसि च.
Jain EdM
ematiana
For Persona
Private Use Only
3
1
-brary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |