Page Text
________________
नवपदवृत्ति:मू.देव.
॥१२२॥
॥४१॥ तस्सोवरि अणुराओ संजाओ तीएँ तक्खणच्चेव । अहवा पहाणवत्थुमि कस्स नहु होइ पडिबंधो ? ॥४२॥ तह कहवि तीएँ एसो पलोइओ गा. धर जायमच्छरेणेव । जह पंचसरेणेसा पहया पंचहिवि बाणेहिं ॥४३।। मयणसरपेल्लियाइवि इमीएँ लज्जाए ठाविओ अप्पा । कुलबालियाण अहवा एसा गुणद्वारे अंगुट्ठियाभरणं ।।४४|| वरविच्छित्तीए तओ पूयं काउं जिणिंदचंदस्स । नीहरिया जिणभवणा पुणो २ तं पलोयंती ॥४५।। जिणवंदणकयचित्तो, सोऽविय काऊण नागदत्त उत्तरासंगं । दाउं पयाहिणतियं जिणनाहं थोउमाढत्तो ॥४६॥ जय तिहुयणसंतावयमयरद्धयगस्यमाणनिम्महणा ! । जय दूसहरोसानल- कथा विज्झावणपयंडजलवाह ! ॥४७॥ जय सुक्कज्झाणामयअवहरियकसायविसमविसवेग ! । जय उवसग्गपरीसहपिसायअक्खलियसमचित्त ! ॥४८॥ जय घाइकम्मतमपडलफेडणुल्लसियकेवलुज्जोय !। जय चउगइगमणभमंतजंतुसंताणकयताण! ॥४९॥ जय नमिरसुरासुरमउडकोडितप्पडणमसिणपावीढ ! । जय सेसकम्मकुलसेलदलणवज्जासणि नमो ते ॥५०॥ एवं थोऊण जिणं पूयाइसयं पलोइऊणं च । आपुच्छइ नियमित्ते, कस्सेसा का य वरकन्ना? ॥५१।। निययकलाकोसल्लं ठाणंमि पयासियं इमं जीए। विरयंतीएँ सहत्थेहि जिणवरिंदस्स वरपूयं ।।५२।। नूणमयं अणुरत्तो एयाए तेण पुच्छए एवं । इय कलिऊणं तेहिवि भणियं किं तं न याणेसि ? ॥५३।। पियमित्तसत्यवाहो एत्थेव पुरीएँ अस्थि वत्थव्यो । नागसिरी तब्भज्जा नागवसू ताण एस सुया ॥५४॥ आबालभावउच्चिय एईएँ कलासु आसि कोसल्लं । किं पुण विलासनट्टावयंमि तारुण्णए दाणिं ? ।।५५।। किञ्च-लायण्णाइगुणेहिं विणिज्जिया लज्जियाओ व न इंति इहं । एईए रंभाई सुरंगणा मणुयलोयंमि ।।५६।। एयाए देहसोहावलोयणे विरहमसहमाणव्व । हयहियया देवावि हु अणिमिसनयणत्तणं पत्ता ।।५७।। जो जो रूवाइगुणो चिंतिज्जइ कोऽवि एयदेहमि । सो सो अउव्वभावेण जणइ चित्ते चमक्कारं ।।५८।। एक्कोऽस्थि किंतु दोसो इमीए जं नाणुरूववरलाभो । अवलोइयाए तुमए इण्हि पुण सोऽवि पम्हुट्ठो ॥५९।। तो भणइ नागटनो निरत्थओ वयणवित्थरो एस । तुब्भेहिं समाढत्तो मह भावमयाणमाणेहिं ।।६०।। मणयंपि न मज्झ जओ अणुराओ एत्थ पुच्छणे हेऊ । किं तु इमीए विण्णाणकोसले कोउहल्लंति ॥६१।। इच्चाइ जंपमाणो निग्गंतूणं जिणिंदभवणाओ। सह मित्तमंडलेणं समागओ निययभवणंमि ।।६२।। अह सावि दिव्वकन्ना नागवसू नियसहीहि परियरिया । संपत्ता नियभवणं हियएणं तं चिय वहंती ॥६३।। तत्थ य न ।
सुयइ न हसइ, नाहरणं लेइ नालवेइ जणं । बोल्लावंतीण पुणो पडिवयणं देइ न सहीणं ।।६४।। एयावत्थं च तयं नाउं माया समागया भणइ । वच्छे ॥१२२॥ अ! कहेसु किं ते देहे पीडानिमित्तंति ? ॥६५।। तीए भणियं-अंब ! न याणामि अहं पीडाए कारणं सरीरंमि । किं तु महादाहो मे वियंभिओ सव्वदेहमि KA
Jain Education
emanal
For Personal Private Use Only
www.janeibrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |