Page Text
________________
नानास्थिमयभित्तिस्थनृमुंडकापशीर्षकम् । कंकालकल्पितद्वारं दन्तिदन्तोरुतोरणम् ॥ १ ॥ केशपाशपताकाढ्यं लंबितासितचामरम् । व्याघ्राजिनकृतोल्लोचं रुधिरारुणभूतलम् ॥ २ ॥
तत्र भवने भीमेन मुंडमालास्त्रधारिणी क्रूराक्षी महिषारूढा कालिकामूर्तिर्दृष्टा । तस्याः पुरः स एव शठः पापिष्ठो रुष्टो धृष्टः पाखंडी कापालिको वामहस्तेन सुन्दरं नरं बिभ्राणो दृष्टः । यस्यां भुजायामारूडो भीमः समागतः सा कापालिकस्य वामेतरा भुजा । " करे गृहीतस्य किं करिष्यत्यसौ तत्प्रच्छन्नीभूय वीक्षेऽहं पश्चाद्यथोचितं करिष्ये' इति निश्चित्य भुजायाः सहसोत्तीर्य तस्यैव भवनस्य पृष्ठे निलीय रहः स्थितः । ततः कापालिको भुजायाः खड्गमादाय वामकरात्तं नरमब्रवीत् - 'रे वराकाभीष्टां देवतां स्मर, | अनेनासिना तव शिरश्छित्वा देवतां पूजयिष्यामि । तच्छ्रुत्वा स नः प्राह - " त्रिजगज्जीववत्सलवीतराग एव शरणमस्तु मे । तथा कुल क्रमादागतः परोपकारी पुण्यवान् मम प्राणाधिकतरो दयावान् जिनधर्मरसिको मम मित्रं हरिवाहननन्दनी भीमकुमारः शरणं । यो मया वारितोऽपि कापालिकेन सार्धं कापि गतः, स एव भीमकुमारो मम शरणमेवास्तु । यथेप्सितं कुरु शीघ्रं " । तदा पाखंडी प्राह-- "रे मूर्ख स मया लक्षणवान् ज्ञात्वा तस्य शिरश्छेदेन देवीपूजा प्रारब्धा । स मम करान्नंध्वा क्वापि गतः । 'तल्लक्षणोऽसि । तत्स्थाने त्वमिहानीतोऽसि । तेन निःसच्चेन स्मृतेन किं । किं च देव्या मम कथितं । तत्र स्वामी विन्ध्याचलगुहासन्नश्वे तभिक्षुसमीपे स्थितोऽस्ति । तस्य खड्गः सल्लक्षणत्वेनेहानीतः । रे मूर्ख स इहागत्य कथं तत्र रक्षिता भविष्यति ? " । भीमस्तदा१ सहक्षणोऽसि इति वा पाठ: ।
Jain Education International
For Personal & Private Use Only
৭%%%%%%%%%96%
www.jainelibrary.org
| SR No. | 600183 |
| Book Title | Parshwanath Charitram |
| Original Sutra Author | Udayvirgani |
| Author | |
| Publisher | Jinshasan Aradhana Trust |
| Publication Year | 1990 |
| Total Pages | 338 |
| Language | Sanskrit |
| Classification | Manuscript |
| File Size | 7 MB |