________________
*
अथ पञ्चममणुव्रतं परिग्रहपरिमाणं ज्ञेयं । तस्यापि पञ्चातिचारा हेयाः। तद्यथा--
धनधान्यस्य कुप्यस्य गवादेः क्षेत्रवास्तुनः। हिरण्यहम्नश्च संख्यातिक्रमोऽत्र परिग्रहे ॥१॥ परिग्रहप्रमाणनियमः कार्यः । लोभस्त्याज्यः । यतः. धनहीनः शतमेकं सहस्रं शतवानपि । सहस्राधिपतिर्लक्षं कोटि लक्षेश्वरोऽपि च ॥१॥ ___ कोटीश्वरो नरेन्द्रत्वं नरेन्द्रश्चक्रवर्तिताम् । चक्रवर्ती च देवत्वं देवोऽपीन्द्रत्वमिच्छति ।।२।।
___ अतः कारणाल्लोभी निवारणीय एव । लोभिपुरुषाः कथमपि सुखं सन्तोपं च न प्राप्नुवन्ति । यतः1 वह्विस्तृप्यति नेन्धनैरिह यथा नांभोभिरंभोनिधिस्तद्वल्लोभघनो धनैरतिघनैर्जन्तुर्न संतुष्यति ।
न त्वेवं मनुते विमुच्य विभवं निःशेषमन्यं भवं यात्यात्मा तदहं मुधैव विदधाम्येनांसि भूयांसि किम् ॥१॥ कालुष्यं जनयन् जडस्य रचयन् धर्मद्रुमोन्मूलनम् क्लिश्यन्नीतिकृपाक्षमाकमलिनी लोभांबुधिं वर्धयन् । मर्यादातटमुद्रयन् शुभमनोहंसप्रवासं दिशन् किं न क्लेशकरः परिग्रहनदीपूरः प्रवृद्धिं गतः ॥२॥
।अत्र व्रते धनसारदृष्टान्तः। अत्रैव भरताभिधे क्षेत्रे विश्वविख्याता मथुरा नाम महामनोहरा पुरी वर्तते । तत्र धनसारनामा व्यवहारी वसति । तस्य पद
CRIGANGANA
Education internations
For Personal & Private Use Only
