________________
सिरिचंदरायचरिए
Milal
प
॥२०॥
पुत्तो विज्जइ, दुब्भगपीलिआ अहं पुत्तमुहं न अणुभवामि, तो मए सज्जणाणं गरहणिज्जं 'चोरिक्कं कयं । देवीओ कहित्था तुमए कहं अम्हकेरो बुत्र्ततो वियाणिओ ! वीरमई भणित्था-केणइ विज्जाहरेण पालिओ सुगराओ मम समीवम्मि आगंतण सव्वं तुम्हाणं चरियं कहित्था, अण्णह तुम्हाणं दंसणं कह होज्जा !, देवीओ! मए नियवुत्तो सम्बो कहिओ, अहुणा मम सुयाहिलासं पूरिऊण गहियवसणा जहिच्छं गच्छेह ।
अह वियाणियपरमट्ठा अच्छराणं सामिणी ओहिनाणेण दुब्भगदूसियाए तीए सुयाभावं जाणिऊण कहित्था, | एयम्मि जम्मम्मि सव्वहा पुत्तमुहं तव नत्थि, दइव्वविरुद्धं सव्वया न कायव्वं, तह वि पुत्तरहियाए तुव वंछियस्थ-दाइणीओ गयणगामिणी-वइरिनिवारिणी-जलभारिणी-विविहकज्जसाहिणीओ विज्जाओ देम, एआसि पहावेण चंदकुमारसहियं सव्वं रज्जं तबाहीणं होहिइ, ममकेरवयण हिय यम्मि निहेऊण पुत्तदुक्खं विमुंचाहि । चंदकुमारो तुमम्मि माइभावेण पासिहिइ, तुमए वि सो पुदिट्ठीए विलोयणीओ, तं चिय तणयं मण्णमाणा तुमं असे ससुहभायणं होहिसि । एवं देवीवयण सोच्चा पुत्ताऽऽसाविरहिआ वीरमई तीए 'सयासाओ गयणगामिणीपमुहविज्जाओ गिण्हित्था, नियावराहं खमाविऊण तीए तं नीलबरं समप्पेइ । गहीयवसणा सा देवी सपरिवारा नियं थाणं गच्छित्था । अह संपत्तविज्जा वीरमई उसहपहुणो चरणजुगलं नमिऊण नियगेहम्मि समागच्छीअ । एवं तीए इमं राइभववुत्ततं नरिंदाई को वि न जाणेज्जा ॥
अह पभाए संजाए पसण्णमणा सुविहियपच्चूसकज्जा सा वीरमई ताओ विज्जाओ साहिउ लग्गा। कमेण १ चोर्यम् । २ सकाशात् ।
॥२०॥
Jain Education inte
For Personal & Private Use Only
www.jainelibrary.org
