________________
सिरिचंदरायचरिप
चउत्यो
उद्देसो
1॥१८॥
तुम्होवरिं वीसासो अत्थि । एवं हियय-उप्पीलणग-पत्थिव-पत्थणं समायण्णिऊण दुक्खियासओ नडवरो वएइ-'नरवइ ! एसो अम्हाणं नरिंदो, अलाहि बहुवुत्तेण, अम्हाणं इमो सव्वस्सं चिय विज्जइ, तम्हा एयं अप्पिउं अम्हे सव्वहा न पक्कला, तह वि तत्थ गन्तूणं अहं तं कुक्कुडरायं विष्णवेमु, जइ सो इह निवसिउं इच्छेज्जा तया अहं अप्पिडं वियारेमु, न अण्णहा । एवं वोत्तण सो नडाहिवई नियावासं समागन्तुणं सिवमालाए पुरओ नरिंदवुत्तं कुक्कुडमग्गण-चहूं कहेइ । कण्णामयमेहसरिसं तस्स वयणं सोच्चा कुक्कुडाओ अईव पसण्णो संजाओ पुणो विचिंतेइ
पुवमासी ममाभिट्ट, पुणो वेज्जेण भासिअं । अवितक्कियमेवेयं, संजायं देव्बजोगओ ॥१७॥
अस्स नरिंदस्स नयरस्स य इमाए मम भज्जाए य सङ्गमो उ जइ पबलपुण्णुदओ सिया तइया लव्भइ, अओ इमो नडवरो इमस्स नरिंदस्स में अप्पेज्जा तइया अहं कयपुण्णो होमु त्ति चिंतमाणस्स कुक्कुडरायस्स अज्झवसायं वियाणित्ता सिवमाला वएइ-सामि ! कम्हा तुं ममत्तो निम्मोहो होत्था ? सया तुम्हेचयसेवाविहाणसावहाणाए मए कयावि पमाओ न विहिओ, पाणाणं पिव तुमं रक्खेमो, कयाइ अण्णाणेण वि तव अवराहो न समायरिओ, तुम्ह निमित्तं रायमहाराएहिं सद्धि विरोहो अम्हेहि विहिओ, तुमं च सिरंसि वहित्ता देसंतरेसु अहं भमिआ, खणसंजायनेहं पि सज्जणा जावज्जीवं पालेइरे, तइया तुव मम य नववरिसुप्पण्णसिणेहो अत्थि, तं तु एगपए च्चिय तुं चइउं कहं समुज्जओ सि?, तहिं कारणं सम्मं न जाणामि ।
॥१८॥
Jein Education Intel
For Personal & Private Use Only
M
ainerarary.org
