________________
सिरिचंदरायचरिप
॥ १५० ॥
Jain Education International
पिअं एयं परस्स इत्थम्मि कहं समप्येमि ?, अओ तुमं तत्थ गंतूणं नडवरं विवोहेसु-अणेण किं ते पयोयणं ?, अण्णं किंपि मग्गाहि, कुक्कुडीभूओ एसो अहुणा किं गेहे गेहे नच्चावियच्वो ?, मज्झ समीवम्मि चिट्ठतम्मि एयम्मि आसाए हं दिणाई वइक्कमामि, अण्णहा एयम्मि गयम्मि कहं गच्छिहिरे ? । इह वीरमईए न कवि हाणी, जो पीलिज्जइ सो च्चिय वेयणं वियाणे, अवरो मुद्धो जणो हासं चैव विहेइ, मईया सासू, मम पियस्स सुविणम्मि इटुं न महेइ त्तितुं न जाणेसि ?, तुमं विणा मईयदुक्खं कास निवेएमि ?, इअ गुणावली अक्कंदवणाई सुणिऊण मंती 'इह तुमए विसाओ न कायव्वो, पज्जंते सव्वं सुहं होहि ' ति तं आसासेइ । तओ मंतिवयणं पमाणंती सा गुणावली नियजीवियं पिव पंजरगयं तं मंतिणो दाऊण संसुवयणा रुयंती चंदरायं वज्जरेइ – |
"सामि दीणं ममं चिच्चा, विएसं गंतुमिच्छसि । असमए मई जाया, अकम्हा हि कहं तव १ ॥ ५६ ॥ दूरं गए तुमे नाहे, कहं चिट्ठामि तुं विणा । कइकालं अणाहा हं, जीविस्सामि निराहारा ॥५७॥
कास पुरओ अहं दुक्खं निवेएमि ?, नाह ! तुम्ह इच्छाणुवट्टिणी अहं 'तुव जीविअं निराबाई होउ' ति वीसा लढूणं सजीवियं पिव भवंतं अण्णस्स हत्थम्मि अप्पेमि, नाह ! तुमए वि मम संभरणं सइ कायव्वं, मज्झोवरिं किवा कायव्वा, मम अवराहो खंतव्वो, निरागसं मं चइऊण देसंतरगमणेच्छा तुव जाया, किंतु पाणेस ! तुव विओगदुहियाए मम खणो वि जुगपमाणो होही, मम सव्वे मणोरहा दुइदइव्ववसाओ विणट्ठा,
१. साश्रुवदना । २. निराधारा ।
For Personal & Private Use Only
बीओ उद्देसो
॥ १५०॥
www.jainelibrary.org
