________________
सिरिचंदरायरिएY
उद्देसो
॥१४५॥
KKERRRRRRRER
सोहेइ, नडा नडीओ वि परिहियाणग्यनेवत्था अपुव्वा इव लक्खिजंतिः तओ मणवंछियाहिगदाणलाहेण निद्दलियदालिद्दा पावियसंतोसा ते सिवकुमाराइनडा नियट्ठाणम्मि गया । इह नियनियमविरुद्धदिज्जंतदाणं दट्टणं वीरमईए देहम्मि कोहग्गिजालाओ परिओ पसरिआओ, तो कोबाउलमाणसाए तीए चिंतिअं-'मइसहाए चिटुंतीए केण विवेगरहिएण मुरुक्खेण ममाओ पुव्वं दाणं दाऊणं दाणीभवणमहिच्छा कया ?, एसो खलु माउलघरम्मि बुढि गओ दीसइ, सो मूढो मज्झ सालाए न अहीओ, तस्स दीहाउसं विज्जइ, जेण इओ जीवंतो निगच्छंतो मए नेव दिट्ठो' । 'पंजरगयकुक्कुडेण पढम पहुडं दिणं' ति तीए न विण्णायं, अओ सा वीरमई तस्सोवरिं न कुविआ । तम्मि समयम्मि समयण्णू मंती भणेइ-'भगवइ ! रोसविहाणस्स कारणं किंपि न विज्जइ, जेण केण वि दाणं दिण्णं तेण वि जसो तुम्ह चेव दिण्णो त्ति, सरलभावेण वियाणियव्वं, 'जह सूरा रणम्मि सामिणो पुरओ गंतूणं जुझंति, तह दायारा वि नियसामिणो गिज्जंतजसं सोच्चा पच्छण्णा नेव चिटुंति, अण्णं च जेहिं दाणं दिण्णं ते वि तुव पुत्तसरिसा पया एव, ते जणणीए पुरओ किं बालकीलं न कुणेइरे ?, तेसु रोसो न कायव्वो इअ मंतिणा बोहिया वि सा कोवाओ न विरया । तओ विसज्जियरायसहा कोवक्तमाणसा सा वीरमई नियट्ठाणं गच्छित्था, तइया दिणयरो वि अत्थमुवागओ, सा रयणीए सज्जाए सुत्ता चिंताउलहियया इओ तो लोट्टती खणं पि निदासुहं न लहित्था वुत्तं च
चिंता चितासमा वुत्ता, बिंदुमेत्तविसेसओ । सजीवं दहए चिंता, निजीवं दहए चिता ॥५१॥ चिंता जरा मणूसाणं, हयाणं अगमो जरा । असंभोगो जरा थीणं, वत्थाणं आयवो जरा ॥५२॥
॥१४५॥
१३
Jan Education internal
For Personal Private Use Only
W
ww.jaineleraryorg
