________________
सिरिचंदरायचरिणY
॥१३०॥
सक्कारिआ लद्धाणुण्णा अण्णहिं विहरिउं तओ निग्गया ।
इओ कुक्कुडीभूयस्स चंदरायस्स मासे वइक्कंते पउरजणा अच्चंत खोहं पावित्था। गुणावली वि विमाऊए भयं संकमाणी कास वि पुरओ पियस्स वुत्तंत न साहित्था, पच्छण्णवित्तीए य तं रक्खी । अह निवदंसणुक्कंठिओ पउरवग्गो सइवंऽतिगं उवेच्च विण्णवीअ-धीनिहाण ! मंतिवर ! मासं जाव नरिंददसणं न कयं, अहुणा निवइदंसणं जइ न होही तया अम्हे एत्थ न चिहिस्सामो, देसंतरम्मि गंतूण वसिस्सामु, पसायं विहेऊण पयाणाणुण्णं देसु, जह दयाविहीणो धम्मो, उत्तमकुलविरहिओ मणुअजम्मो, दंतरहिओ गओ तह रायं विणा रज्जं न छज्जेइ, अण्णं च--
राए धम्मिम्मि धम्मिट्ठा, पावे पावा सभे समा । रायाणं अणुवईते, जह राया तह पया ॥४१॥
दुब्बलाणमणाहाणं, बालवुड्ढतवंसिणं । खलेहिं परिभूआणं, सब्वेसिं पत्थिवो गई ॥४२॥
तओ रायाणम्मि अविज्जतम्मि वणम्मि चेव वसणं वरं । मंतिणा विकहियं-'पउरजणा! मए इक्कमासे गए वि राया नेव दिट्टो, ममावि नरवइदंसणुक्कंठा अईव वट्टइ, मज्झ वि तुम्हारिसो चेव विआरो अस्थि । तओ अहुणा तुम्हे सुहेण चिट्टे ह, अधीरिमं मा कुणेह, सिग्धं तस्स सुद्धिं विहेऊण तुम्हे पीणिसं, चिंतं मा कुणिज्जाह' इअ कहिऊण सम्माणित्ता य पउरलोगे य विसज्जित्था । पच्छा सो सइवो वीरमईए समीवं गंतूणं पउरगणवुत्तं सव्ववुत्तंतं वियाणावेसी । पुणो य तेण भणियं 'जणणि !राया एवं पच्छण्णो कियंत कालं चिट्ठिहिइ, नरवइविरहियं रज्जं चिरंन ठाहिड, रणो अदंसणम्मि पउरा भिसं पकुविआ अत्थि, मए निवारिआ अवि नरिंददसणमगहं न मुंचंति,
॥१३०॥
Jan Education in
W
elbaryong
