________________
सिरिचंद
रायचरि
॥११४॥ ।
Jan Education Intel
कत्थ गयं ?, इमा रायकण्णा पुव्वभववेरिणी तव संजाया, मम दइव्वं पडिकूलं, जेण अयाणतेण मए दुट्ठाए एआए कुमारीए तुं परिणाविओ, अहुणा किं कुणेमि ?, कत्थ गच्छामि ?, हा ! हा ! देव्वेण वंचिओ म्हि । इत्थं एएसिं कूडपवंचभरियवयणाई सोच्चा पेमलालच्छी उ धरियमउणभावा चिंतेइ - एहि धीरिमा धरियव्वा, नत्थि को विउवाओ, एएसि मायावीणं पुरओ सच्चं पि मईयवयणं कोवि न सुणिहिह, तम्हा समुहओ कालो पइक्खियव्वो, वुत्तं च
कालो समविसमकरो, परिभव- सम्माणकारगो कालो । कालो कुणेइ पुरिसं, दायारं भिक्खुगं च कया ||२४||
खणमेत्तेण एसा बट्टा परिओ पसरिआ, तं सोच्चा पेमलालच्छीए पिआ तत्थ सिग्धं समागओ, जामायरं च कुट्ठरोगभरियं दणं विसायमावण्णो उज्जुगो नरिंदो ताणं पवचं अयाणंतो रुयंते ते सव्वे आसासेइ । तआ हिंगो अब्बवी - राय ! किं एत्थ वयामि ?, जमिह संजायं तं निवेइउं अहं न सको, देसंतरवट्टीणं अम्हाणं व सच्चे को मणिस्स ?, तह वि कहेमि-रूवेण विणिज्जियपंचसरो इमो कुमारो भवंतेण वि विलोइओ, दिव्वरुवो सो सव्वजणसिलाहणिज्जो होत्था, एहि अम्हाणं महंत दुब्भग्गं पाउन्भूअं, जओ अम्हेहिं इह एसो समाणीओ, नरवइ ! तुव पुत्तीफरिसेण अयं कुमारो सहसा कुट्टी संजाओ, इमा भवओ मुत्तिमुत्तासरिसी मुआ निअगेहम्मि रक्खणी, संप करुणं किच्चा निअं घरं नएह, न अम्हाणं पओयणं, एयाए संसग्गेण अम्हाणं पुरिसरयणं विणद्वं, तओ सव्वसमक्खं निवेइज्जइ-अम्हाणं अहियविहाइणी एसा पच्चक्खा विसकण्णा दीसर, तओ अलाहि एआए ।
१. ऋजुकः -- सरलः । २ शुक्तिमुक्तासदृशी ।
For Personal & Private Use Only
इओ
उसो
॥११४॥
www.jainelibrary.org
