________________
सिरिबंद
अह तइओ उद्देसो रायचरिण
अक्खयमणंतमरुअं, निरुवमसुहसंगयं सिवपयत्थं । देवच्चियपयपउम, पासजिणिदं नमसामि ॥१॥
दुविहसमसंजुत्तो, अप्पसत्ति समनिओ। चंदरायव्य लोगम्मि, पसिद्धो होज सो नरो ॥२॥ ॥९॥
अह चंदनरेसस्स, उद्देसो तइओ इमो । सोउ-सवण-पेऊस-, रससमो विहिज्जए ॥३॥ सोउ-गणस्स तुट्ठीए, पबंधं कुब्वए कवी । सोयारं पि विणा तस्स, रसाणंद लहेज्ज को ! ॥४॥ खमोवसमजोगेण, वत्ता वर हिए रओ। विवेगिणो उ सोयारा, दुल्लहा संति भूयले ॥५॥
अह गुणावली चंदरायस्स अंतिमवयणाई सोच्चा किंचि पहिट्ठमणा तं भणेइ-सामि ! सुमिणविसयासग्गहो तुमए वज्जियव्यो, जेण वुत्तंतसवणेण रसाणंदो विवड्ढेज्जा तारिसरसप्पयं वत्तं बुवसु, तुम्ह निमित्तं राइपज्जंतं M उज्जागरणं मए विहिरं, तस्स उवगारो उ दूरत्थिओ, पच्चुअ तुमए विवरीयत्नणेण गहीअं, परमेसरो सव्वण्णू सव्वं वियाणेइ, लोगेसु गिज्जइ-'जं तुरंगमो भूरिवेगेण धावइ तहावि आसवारो तस्स वेगं न वियाणेइ, तहेव तुम्हेच्चयवट्टणं दीसइ, जाणतो वि तुं अम्हेच्चयसयलवुत्तंत उवहासपत्तं गणेसि, अओ तुमए कत्तो वि एरिसी वणियकला सिक्खिया ?, अण्णहा एरिसवयणवित्थरो तुम्ह मुहम्मि कहं होज्जा ?, पुच्वं महुरवयणं वोत्तूणं वयणपहारेण मं अक्कोससि, अहं तु सरलसहावा अम्हि, जेण तुव पवंचं अवियाणित्ता मए सयलो निसिवुत्ततो निवेइओ। अलं बहुणा वुत्तेणं, एरिसं उवहासं काउं तुम्ह न जुत्तं, जओ कयाइ उवहासकरणाओ कडुअफलं जायइ । मुख
१ शमः सम इति द्विविधः ॥२ वार्ताम् ।
Jan Education International
For Personal & Private Use Only
www.jainelibrary.org
