________________
सिरिचंदरायचरिण
बीओ उद्देसो
.॥८५||
तुमए कहियाए गाहाए रहस्सं वियाणती अहं इओ गमणाय तुम कह पि ओगासं न दास्सं, मम जीवियं तुवायत्तमेव मं निरासं मा कुणाहि, भवओ आणाए सएव वट्टिस्सामि, तुम्हेच्चय-उवाण हाए सरिसी ई, तुमं च मम सिरमउडो सि, करुणं विहेऊण तुव चरणपडियं सरणागयं च मं पालेसु, विच्छायमुहपकरण तुमए कहं मउणं अंगीकयं ?, पसण्णो होऊण वयणसुहाए में पीणेसु, जइ मम अवराहो होज्जा तइया पसायं किच्चा खमाहि, तुम्ह पासम्मि बुद्धिविहीणा है, तुम मणसि किंपि भिण्णत्तण मा धरसु, पिय ! तुम्ह संजोगो अणचिंतिओ मम जाओ, अण्णह कस्थ विमलापुरी ?, कत्थ य आभापुरी ?, दइव्वजोगेण एसो संबंधो विहिणा चेव निम्मविओ, अन्नं च तुम्हकेरवयणरहस्सं मए वियाणियं, तारिसी अबुहा अहं न, जओ गूढसदत्थं न जाणेमि, मम उविक्खाए तुव का सोहा भविस्सइ ?, तुमए कूरसहावेण न होयव्वं, जइवि तव ससुरेण समुइयदाणविहिम्मि कावि ऊणया न दक्खविआ तहवि जा कावि अपुण्णया होज्जा तइया तुमए निवेयणिज्ज, जओ सासूपमुहाणं जामायरो उ अईव वल्लहो होज्जा, निक्कारणं रोसं विहेऊण तुहि ठाउं किं तुव जुत्तं ?, भवारिसाणं बालव्व चेट्ठा न सोहणा, अओ सम्म वत्ताविणोएण म आणंदे सु, सारीकीलासमए तुमए वृत्तं गूढवयणं न वीसरिस्सामि, कयावि मं तिरक्करित्ता इओ तुंगच्छिहिसि तइया वि अहं तुम्ह निवासभूयं पुन्व-दिसामुहमंडणं आभापुरिं जाणामि, तत्थ समेच्च तुव दसणेण अप्पाणं संतोसविस्सामि' इत्थं तीए वयणवित्थरं समायण्णिऊण चंदराओ बवीअ-हे पिए ! अईब निब्बंध कहं कुणेसि ?. 'जं भावि तं भविस्सई' त्ति भाविभावं अण्णहा विहाउं को समत्थो ? । जो उत्तं
१ सदैव ।
॥८॥
Jan Education tema
For Personal & Private Use Only
INUTww.jainelibrary.org
