________________
श्रीधन्य
चरित्रम्
॥६८॥
"अतोऽयं धन्यो लघुरपि कुलदीपकः । अस्यैव चाऽग्रजास्त्रयः शरीरादिना स्थूला अप्यकिञ्चित्कराः, केवलमस्य पृष्ठे निजोदरपूरणं कुर्वन्ति' । इति पौरजनानां वचांसि श्रुत्वा त्रयोऽप्यग्रजाः प्रभूतमात्सर्य हिमानीपाततो दग्धसद्बुद्ध्यङ्कुरपुराः क्रूराशया इति परस्परं मन्त्रयन्ति स्म - "आः ! अस्मिन् धन्ये जीवति सति किमस्माकं पौढतावृद्धिर्भवति ? अपितु न भवत्येव । स्फुरद्भानौ भानूदये किमु तारकाः स्फारकान्तियुक्ता भवन्ति ? । अतोऽयं ' स्वीकायाऽनुज' इति सम्बन्धं सम्प्रधार्य नोपेक्षणीयः । स्वाङ्गजो व्याधिरुपेक्षितः किमाधिं न करोति ? तस्मात् सदयभावं परित्यज्य अयं विनाशयिष्यते तदाऽस्माकं तेजोवृद्धिर्भविता । दीपोऽपि दीपवर्तिकां दग्ध्वैव दीप्यते नान्यथा" । इति परस्परं मन्त्रयित्वा धन्यविनाशनाऽऽर्तौ पतिताः । अथ तेषां सुगुप्तोऽपि मन्त्रो बुद्धिप्रागल्ल्येन कथंचन इङ्गितादिविज्ञानेन च धन्येन ज्ञातः, यतः पातालगतमपि जलं बुधा बुद्धया न जानन्ति किमु ? ।
उक्तञ्च - "आकारैरिङ्गतैर्गत्या चेष्टया भाषणेन च । भू-नेत्रा -ऽऽस्यविकारेण लक्ष्यतेऽन्तर्गतं मनः " ॥१॥ पुनः"उदीरितोऽर्थः पशुनाऽपि गृह्यते, हयाश्च नागाश्च वहन्ति 'नोदिताः । अनुक्तमप्यूहति पण्डितो जनः, परेङ्गितज्ञानफला हि बुद्धयः " ||१||
तथा धन्यगुणैराकृष्टचित्ता भ्रातृपत्न्योऽपि भक्त्या रहसि स्वभर्तृणामाकूतं धन्यं प्रति कथयामासुः - 'अतो हे देवर ! भवता सावधानत्वेन स्थेयम् । अस्मदीयस्वामिनस्तु दुर्जनस्वभावत्वाद् असूयादृग्दोषेण सन्मतिमूढा जाताः सन्ति । यतः -
१. प्रेरिताः ।
Jain Education Intemational
For Personal & Private Use Only
चतुर्थः
पल्लवः
॥६८॥
www.jainelibrary.org
