Page Text
________________
श्रीधन्यचरित्रम्
सप्तमः
पल्लवः
आजन्मलग्ना कृपणता गता !। अस्मादृशानां पुनरीदृशी मतिः कदा भविष्यति ?' इत्येवं स्तुवन्ति केऽपि च वदन्ति-"अस्यायुः समीपमागतं दृश्यते येन आजन्मस्वभाविनिमयो जातः !! कालज्ञाने शास्त्रेऽप्युक्त मस्ति-आजन्मप्रकृतिरेकयैव हेलया प्रयत्न विना विनिमयतां याति तदा स्वल्पमेवायुज्ञेयम्"। यस्य मनसि यादृशं प्रतिभासते स तदेव वक्ति, को बहूनां मुखानि पिदधाति ?। पुनः कस्मिंश्चिद् दिने राजद्वारं गत्वा बहुमूल्यमुपायनं कृत्वा प्रणिपत्य च अग्रे स्थितः । राजापि तद् अभिनवं महाघम् उपायनं दृष्ट्वा रञ्जितः सन् सादरमालाप्य प्रतिवक्ति स्म-भोः श्रेष्ठिन् ! तव चित्ते ईदृशी उदारताबुद्धिः कथं संजाता?। पूर्व ही प्रतिपदं लोका स्तव कृपणतादोषमाविष्कुर्वाणा आसन, अधुना तु प्रतिक्षणं तव दान-भोगादिषु अत्युदारता श्रूयते तत्कथं संजातम् ?, सत्यं ब्रूहि । श्रेष्ठयपि पूर्वोक्तकल्पितमुनिदेशनादि प्रतिबोधकारणमवदत्।राजापि श्रुत्वा चमत्कृतः सन् वदति-'अहो ! अचिन्तनीयां जीवस्य गतिं सर्वज्ञं विना को जानाति ?' | इत्युक्त्वा यथोचितं प्रसादं दत्त्वा 'अस्मत्सदृशं कार्यं निवेदनीयं सुखेन, शङ्का न कार्या' इत्यादिवचनैः संतl विसृष्टः । सोऽपि प्रणामं कृत्वा उत्थितः,विचारयति च-'दानेन किं न भवति?, देवा अपि सानुकूला भवन्ति तत्र मनुष्याणां का कथा ? | इति विचारयन् गृहमागतः । अस्य तु प्रतिगृहं प्रतिपथं प्रतिग्राम याचकजनैर्यशः शोभा विस्तारिता, सर्वत्र विख्यातो जातः।
अथ यत्र ग्रामे मूलधनकर्मा गतोऽस्ति तस्मिन् ग्रामे कोऽपि याचकः कूटधनकर्मणो याचित्वा इच्छाऽधिक-धन-वस्त्रा- | ऽऽभरणादि लब्ध्वा कूटधनकर्मणो यशो ब्रुवन् स्वग्रामं यियासुस्तत्रागतः । अथ चतुष्पथे मूलधनकर्मा एकस्य श्रेष्ठिनो हट्टे स्थितः सन् व्यापारादिवार्ता करोति तत्र पार्श्ववर्तिनि हट्टे स याचकोऽपि वस्त्राभरणभूषितो मार्गे गच्छन् केनाप्युपलक्षितेनालापितः ।
॥२३७॥
Jain Education
For Personal & Private Use Only
Mww.jainelibrary.org
| SR No. | 600180 |
| Book Title | Dhanya Charitram Gadya Baddham |
| Original Sutra Author | Gyansagar |
| Author | |
| Publisher | Raj Rajendra Prakashan Trust |
| Publication Year | 2000 |
| Total Pages | 496 |
| Language | Sanskrit |
| Classification | Manuscript |
| File Size | 9 MB |