Page Text
________________
श्रीधन्य
चरित्रम्
चतुर्थः
पल्लवः
॥२१॥
| मक्त्वा सर्वोऽपि दासी-दास-सौविदल्लादिपरिकरः पट्ट राज्ञया समं गतः । सुनन्दयापि सङ्केतितावसरे जाते पाश्चात्यगवाक्षे रज्जुमयी दृढनिःश्रेणी प्रलम्बायमाना मुक्ता । प्रियसखी क्षणे क्षणे तत्रागत्य रूपसेनागमनं विलोकयति, सुनन्दातल्पगवाक्षयोरन्तरा च भ्रमति।
इतश्च अस्मिन्नेव पुरे महाबलनामा एको 'दुरोदरोऽस्ति, प्रत्यहं द्यूतव्यसनासक्तो द्यूतक्रीडां कुर्वाणः कलाक्षेपं करोति । तेन चाऽन्यदा द्यूतकीडारसेन बहुधनं हारितं, मस्तकेऽतिऋणं संजातम्, अन्ये च दुरोदरा धनार्थं तं पीडयन्ति । तदा महाबलेन चिन्तितम्-ऋणं तु बहु संजातं, कुतो दातुं शक्नोमि? । परन्तु अद्यैवाऽवसरोऽस्ति, यतः सर्वे जनाः सबाल-वृद्धा अद्य महोत्सवार्थं | बहिर्निर्गमिष्यन्ति सकलमपि नगरं विजनं भविष्यति । ततोऽहं मध्यरात्रौ नगरान्तः प्रविश्य कस्यापि धनिकस्य गृह-हट्टयोः प्रतिकीलकादिप्रयोगेण तालकोद्घाटनं कृत्वा धनं च लात्वा देयं दास्यामि, नाऽन्य उपायोऽस्ति' । इति संप्रधार्य तस्यामेव रात्रौ धनार्थ त्रिपथं चतुष्पथं गलिकुञ्चिकादिकं च परिभ्रमति । एवं च भ्रमणं कुर्वन् दैवात् तस्मिन्नेव सङ्केतस्थाने आगतः । तत्र च गवाक्षस्याऽधोनिःश्रेण्यादिसङ्केतचिहं दृष्ट्वा तेन कुबुद्धिनिधिना धूर्तेन चिन्तितम्-'अद्य कयाचित् स्त्रिया केनाऽपि यूना सह सङ्केतः कृतो दृश्यते । स चाधुना यावद् नागति इति विज्ञायते, तस्मात् 'चौराणां मध्ये मयूरः' इति न्यायेन अहमेवाऽत्र यामि, दृश्यते च किं भवति' । इति विचिन्त्य गवाक्षस्याऽधःप्रदेशे गत्वा निःश्रेणी संचालिता। तां च प्रकम्पितां मत्वा सद्यः प्रियसखी आगत्य गवाक्षस्याऽधःप्रदेशे विलोकयितुं लग्ना। तत्र च तं पुरुषं स्थितं दृष्ट्वा तया ज्ञातम्-'नूनं रूपसेनागमनं जातम्' । इति मत्वा तत्र
१. द्यूतकाः। २. मनुष्यरहितम् ।
Jan Education International
For Personal & Private Use Only
www.jainelibrary.org
| SR No. | 600180 |
| Book Title | Dhanya Charitram Gadya Baddham |
| Original Sutra Author | Gyansagar |
| Author | |
| Publisher | Raj Rajendra Prakashan Trust |
| Publication Year | 2000 |
| Total Pages | 496 |
| Language | Sanskrit |
| Classification | Manuscript |
| File Size | 9 MB |